今日一早返去上IBA,得我亞MO,Peggie返,亞介同亞da都冇返,跟住Patrick佢講左一陣書,就話自己唔舒服,叫我地自己畫張關於我地自己既product既demo草圖,唉,我地即刻好無奈囉,因為畫畫叻果兩個又冇返wor...於是我地就硬著頭皮去畫啦,於是由亞mo執筆....哈哈,好在亞da佢最後帶埋份一早畫好既返黎,如果唔係....不過patrick佢由十點break打後都冇見過佢lu...唉,咁就過左一堂...由於跟住果堂普通話要quiz,so我做左三手既準備,yeah~就係寫左dd o係檯,又抄左張紙袋住同埋安排左亞da坐左o係我前面,呵呵...不過miss佢好鬼麻煩,有好幾次都有'危險'啊...但我覺得今次都應該會高分既...hehe

之後考完筆試,因為今日只係一半人去考口試,而亞da同peggie佢地又未夠鐘考,so我地去左'扒王之王'食野啊..d野ma ma地啦...跟住亞da佢要趕返去考,但同佢返到去時,個miss竟然走左...<--不負責任
於是打俾正在o係凱都買飛既亞mo佢地,後來join埋佢地就返學校上IBO~

放學我地同埋Billy Sir佢一齊去睇''哈爾移動城堡''真係好好睇...未睇之前已經有好大既期望,睇完更加覺得好滿足啊  ,真係好正,睇完心情都好d,hehe~~~~~之後自己就死左返屋企lu~~

好耶,有得放假喇,但又要做好多既HW,一定要挑戰難度,要O係今個假期做起大半啊....

PS:

1.今日發現原來真係好多人用K700i,就連o係戲院坐我隔離既亞嬋都....有點兒無奈啊='=

2.等車返屋企果陣,好攪笑,遇到一個女仔,佢原來搭錯車,佢原本想搭k51去嶺南,但搭左去青山灣既車,於是佢問完我路之後,再問我係咪又係讀嶺南既師姐....師姐?後尾問佢佢係讀yr1既...唔通我真係未老先衰? 於是o係沖完涼既時候即刻敷左個mask...唉,都唔係第一次架喇,唔通十九歲已經好老??激死我喇......>''<

今日第一堂就係物流..so遲左返去。由於第二堂要Quiz,所以大家都出盡所有辦法出貓,而我當然都唔會例外啊,哈哈,但好在自己都溫左八成,因為亞lynn佢望到實,好難出囉...但我最後都唔識3個到...希望今次拎高d分啦,因為上次已經肥左,今次要好d先得啊...

之後quiz完就同亞da,peggie佢地傾左我地既創業大計,我地諗左都好多野...又諗過賣衫,又賣香薰,又賣精品咁,最攪笑既係我地打算o係好似工展會果d攤位咁開個賣魚蛋,賣雞蛋仔啊咁,如果係都幾攪笑囉~~我地好認真咁諗每個細節架,其實唔一定有錢賺先開心既,過程都好重要啊~~
之後食完lunch就上IBO,由於係上billy sir堂既關係,所以我選擇左睡覺...跟住我隱約聽到亞sir話咩''哈爾''咁我地就約亞sir聽日放學後去睇哈爾的移動城堡''yeah~~

放學去左幫波波換返件衫,所以就好趕咁去左新墟...之後又要返工,返五點,都預左自己遲到,於是打電話返去先...不過好快就收工,因為返得果四個鐘...真係好,但唔知點解都好眼訓啊...

早點休息先,因為聽日又有quiz了...

今日一早原本要返去Quiz,但自己又遲左起身,所以send左個msg俾Peggie & DaDa,問下佢地今日要唔要Quiz啦,見佢地遲遲都未覆我,咁我就趕出門口,因為怕係今日默啦,點知我上左的士一陣,peggie 覆返我話今日唔哂Quiz...唉,我超無奈囉,於是打去算搵媽媽and波波佢去食野.so叫個的士司機o係屯門泳池附近放低我,打算返碼頭...但當我打俾媽媽時,佢竟然同我講話佢去左吉之島...唉,又係超無奈囉!!於是搭輕鐵去返吉之島搵媽媽...正當我o係杯渡落車,原來同媽媽係搭埋同一班車,只係前卡同後卡...

跟住媽媽就同波波去左睇醫生,我自己就去左deli'france 嘆早餐~~超悠閒咁嘆埋杯咖啡先再去搵佢地...
到差不多十一點度就由吉之島搭返車返黎,點知又落大雨...極狼狽囉我地...

但好好彩,晏晝又好好天,因為我地要拍IBA廣告,所以都算LUCKY~於是等亞DA佢地過到黎,我就帶左沚齊落去準備開始拍野,但沚齊佢一見到亞介佢地,就唔知做咩,驚到喊...咁我就帶佢去買左龜先,然後同佢去BUY雪糕打算哄佢啦,佢開頭都應承我唔喊,點知當我一BUY左雪糕俾佢之後,佢就開始發難...O係街度係咁扭,人地以為我拐帶Tim呀,激到我死死下...

之後我帶返沚齊上樓,媽媽叫我帶波波落黎拍,波波佢冇喊,仲一見到人就hello tim~跟住仲好攪笑,佢一見到隻龜就係咁捉佢黎玩,又拖隻龜係咁跑...龜都差d俾佢整死...之後一切都幾順利,而且好快攪掂lu~但臨上樓時.波波佢唔小心成個頭中左落去個牆度,即刻喊到死,而且仲好快咁起左層'樓'o係額頭...唉...成日都係咁..學波波佢自己講: 正傻瓜黎架!!

希望我地個IBA Project 繼續咁順利啦..~~yeah