經過尋日既演唱會,今日個心繼續陶醉o係基仔o個度...開左好多基仔既視頻睇,又睇返基仔拉闊音樂會睇,又睇返3月7日同尋日CONCERT既相同Viedo,真係好開心!

哈哈,由尋晚返黎已經不停咁捉住同亞媽同佢講基仔,今日睇返尋日基仔唱既'波斯貓',無啦啦又問亞媽:波斯貓原本係邊個唱架?亞媽就答我:羅文囉! 之後我話點解基仔會唱得咁好聽既?!跟住好明顯睇到亞媽係好無奈,o哂咀咁無應我囉! 哈哈,鬼叫您個女我咁迷基仔咩?!呵呵~~

Her左成日,終於的起心肝打電話返公司,因為我好幾日都收唔到公司打俾我既電話叫我返工喇!佢唔打俾我,我真係唔會返工囉,因為依排超多功課,黎緊星期五重有中文present...點知打返去,亞娟話叫我下個月先返,話依個月個AM Ricky冇俾到鐘我,so下個月先要返...都好既,今個月咁Q多功課~多D時間做都好既,唔哂成日推亞娟呀ma~~~

下個月要返多d喇,因為要儲定錢六月去旅行啊~~Yeah

等左十一年既基仔PART2演唱會既第十一場,即最後一場,期待已久,今晚正式公演!!
四點幾就約左亞彤o係樓下等,首先去左旺角先,陪亞彤去左聯合整鏈,之後就去左旺中行左一陣...到差不多七點就死左去味千食野!哈哈..之後就到戲肉喇,就係出發去睇基仔Concert!!

入到場坐低左覺得個位又冇想像中咁差啊,都算清楚呀!今日既嘉賓係鄭少秋,我同亞彤都跌哂眼鏡囉,唉~一如以往,我都預左基仔會喊,但冇諗到咁快姐,佢唱到和音果part既<其實我.我.我>時已經喊哂...之後我地encore完再encore,o係第二之encore時,基仔又喊多次,佢重話係我地既歡呼聲將佢既眼淚溶化!!聽完真係好感動! 之後一完show,我就同亞彤跑去停車場果邊等基仔出黎,等左一陣,開始多人走,係迫到嘔囉,差d暈低咁滯!!我地一路大合唱<愛與誠>,一路等基仔出黎,之後ba叔佢出黎見到我地咁,就即刻走返去後台叫基仔出黎,好開心,我寫果封信又一次親手交到俾基仔,雖然佢一定唔會睇,但假設佢睇左啦,唔理得咁多喇!之後睇住佢走,真係有d唔係好捨得,但佢臨走時就同我地講:下次演唱會再見! 實在太好喇,基仔,我地都好期待架!!

佢講每一番說話都好感動,而家一路聽住<你是我信心>一路打日記,重好沉醉頭先基仔每一句既說話,而且d歌詞實在太正喇!基仔,I'm proud of you!

<你是我信心>
對我 你有說不出的信心 出於一片真
一種親切感 我 永遠也不想傷你心
天生雖欠些天份 我仍然樂意 去為你爭

如今終於知道 你是我信心 能得知己一個
汗流未去問 來感激身邊你 在旁為我不斷打氣
盡我能 令你感動興奮

有你 我有耗不光的勇敢 湧起的決心
好想跟你分 你 教最美好開始發生
終點多遠跟多近 我仍懷著我 最大信心

如今終於知道 你是我信心 能得知己一個
汗流未去問 來感激身邊你 在旁為我不斷打氣
盡我能 令你感動興奮

如今終於知道 你是我信心 能得知己一個
汗流未去問 來感激身邊你 在旁為我不斷打氣
盡我能 令你感動興奮 願你知道 為你跨出足印

尋日做IBA做到五點幾先訓,但今朝就要返9:00,好鬼累~但我返到去上中文時,發現原來我地班得果幾條友返去,連之後既ICEM 都只係得9個人返,好攪笑,於是亞SIR就冇教書,俾我地自己上網玩...但我地之後就早走上左亞da屋企傾present d野,到3點幾就返柏麗,因為我地3:55 present..好緊張,因為之前有幾組都要redo,so更加驚 ...但好好彩,亞mo由頭帶到落尾,Patrick問咩都笞到,好勁啊,但到我講既時候,我就覺得Patrick好似冇聽到我講野咁囉(過份呀 )~不過最後patrick都話我地Good囉,但其他就冇咩點講,跟住我地重播埋我地拍既廣告俾佢睇,哈哈...present完輕鬆哂~之後我地就去左仙跡岩飲+食野,食完就去左旅行社睇去Taiwan d資料~六月,六月我出地就出發去TW~Yeah~~~
跟住七點到返到屋企,her左一陣,一坐低就好眼訓,之後就坐左o係到訓著左 ,一訓就訓到十點幾..依個星期實在太累喇,對自己好dd,訓多dd,哈哈~~

P.S. 聽日就同亞彤去睇基仔Part 2 演唱會喇,雖然唔會坐到好前,但由於係尾場既關係,心情開始有d興奮啊 ~~另外下星期又要交中文Group project,睇黎又要通頂咯...