今朝好早就醒左,因為好怕上Patrick堂遲到會俾個唔好既印象佢,所以每逢星期四有佢早堂都有d精神緊張,上星期又係咁,7點幾醒左,又係怕遲到...唉,鬼叫自己有科衰左o係佢到咩...
之後上完IBA就要考普通話口試,好在有亞DA同家明佢地俾左張Tips我地睇,如果唔係就...不過我覺得自己今次口試表現ma ma地,因為之前每一次都係背好哂,同miss對答如流架ma,但今次就衰懶,自己冇去背,但我估合格既機會都大既...
跟住Lunch我地就去左<茶軒>食飯,我覺得d野好難食囉,不過我地都坐左好耐下...之後我地就行左一陣就返去上IBO lu~但食飯時就猶豫左好耐到底上唔上堂好,但最後都有上,係因為我返到去唔夠半個鐘就死左,自己匿埋一二角sleeping,呵呵..

放學返到屋企,收到公司亞豪既電話,好似催命符咁係咁打黎...原來佢地今晚去唱K~佢地打黎引誘我,問我去唔去,於是我就唯有盡快做哂手頭上個ICEM先... 之後我食完飯,等佢地收埋工(早班),就去左GreenBox搵佢地,但我去到只得亞豪,亞敏同亞玲o係到,唱到十點幾,其他人先黎到,都有好多人去呀,有成十幾個人去啊~好好玩,佢地玩骰盅,好攪笑囉,自己因為唔識玩,於是同亞忠一味淨唱歌...(因為佢都唔識!)唱到2點到,就返黎喇,可能真係太耐冇唱K,都唔捨得走咁滯...哈哈~~之後搭的士返黎,媽媽打電話黎,好似好唔Like咁...又衰左喇今次...唉

而家打埋篇日記就訓lu, 因為聽日重要返9:00,希望知醒啦~~好鬼死累!!

P.S.頭先知道左樣野,希望講果個人估錯啦,因為我唔相信佢係D咁既人囉~而且我自己覺得有D內疚咁,好似o係到話佢...唔係既,我唔希望依個係事實!!我信我既直覺!!

冇咩野今日,但由於上物流堂既關係,so我十點先到返去...
之後上Eng堂,極無聊地過囉,都唔知亞lynn講咩,唉,於是又係吹下水咁過..不過最後亞lynn佢派返個spelling quiz既卷,哈哈,30分我竟然可以拎22分,雖然唔係好高,但至少及格,因為上次quiz已經肥左,所以今次一定要合格,好在有溫到,不過都有兩個definition係出貓既,呵呵... 但其他都係自己溫既~

之後lunch同亞da佢地去左金x邏食,之後食完就如常咁返去上IBO,但之後BREAK果陣知道左一個壞消息...就係Billy佢話星期六會同其他老師一齊開會,講下d同學既成績,如果有人肥就拎出黎傾下咁..唉,之後亞da同peggie佢地走過黎講話Patrick話我地102班既物流班有好多人英文係肥佬,唉,IBA已經驚會肥架啦,而家又要擔心埋英文...心情即刻由最高點跌到去最低點....DownDown的!!

放學就同亞da同peggie佢地去睇下下次present d衫,不過好鬼貴囉!!未出糧啊,變左窮鬼!~~

聽日又有PTH既口試,唉,又係時候準備喇!仲有後日又要交ICEM,都唔知做得邊樣,天啊...

今日一早o係張床度猶豫左好耐返唔返,因為今日返得一堂!!不過最後都係決定起身返學,因為爆Quota...不過返到去都係吹水多,之後放學就返碼頭搵媽媽同沚齊食野,食完就返屋企訓左一陣就同波波落左街,因為約左亞da佢地拍野...唉,我地搵岩日子囉,上次拍野就落雨,今日就熱到亞媽都唔認得!!
我地拍到差不多五點就走lu,臨走時仲將亞mo既'介介'放返去池塘...因為佢已經冇哂利用價值了...(衰都係咁話架喇!)不過我地都估佢命不久已...所以唯有放佢一條生路,希望佢大步走過鬼門關吧~

之後同波波返到屋企之後,就同佢玩左一陣就去返工Lu~亞娟今日又好好人,因為我驚拍野趕唔切返,於是打電話返去,打算話5點先返,但亞娟就話如果我7:30前返到就幾點返都得,哈,於是我就6點先返去(即係今日只係返左3個半鐘)就係因為咁,拍完野我就有時間o係屋企抖抖...呵呵~~

返到去都冇咩野做,因為冇咩生意!同亞忠佢地吹下水就收工~佢地好羨慕我囉,成日都話我依份工可以o係邊到搵呀?時間又有彈性,又就我,人工又唔錯!!哈哈,我都覺得啊~Happy!!~~

不過雖然今日返果3個鐘到,但唔知點解好鬼累囉,隻腳鬼死咁痛!!