好眼訓,今個星期又好勁,日日都返齊學~Yeah
今日都冇咩事發生,上中文堂又係hea下咁過,Icem更加添啦,而lunch我地就去左食pizza hut,唔知做咩,今日d野黎得超慢囉,我地兩點鐘先黎齊哂d野食,唉,最後都要成搭3先走得...跑到死死下,不過最後IBA始終都遲到...放學就返屋企睇埋尋日錄起左既<創世記>,不過我覺得尋日果集有d悶...可能因為太攰了,攤左o係梳化,睇到差d訓著~今晚要早d訓先得喇...

唉...原定星期四即今日交既IBO present...因為尋日下晏五點直至半夜二點都搵唔到我果個partner既關係,so最後都係做唔哂 ...激死我喇!做到三點幾...最後都係決定放棄,終於明白到一個人既力量真係有限,唉... 又深深咁感受到,求人不如求己依個道理了,好矛盾啊!好在最後Billy 都俾我地下星期先再present...但下星期又要test又剩....仲'屎'!

真係好難做,又搵唔到佢,打極電話又冇人聽,佢又冇online,都唔知佢做咩...最怕係同佢做埋d同一樣既野...唉,救命...
星期一就要到cc.interview了,希望唔駛蹝錢去讀多個summer english course啦....

截至半夜十二點正,剛剛沖完涼的我,終於睇哂艱苦的Ibo case~其實可以仲快d既,但自己竟然可以睇睇下d notes,個腦係諗左第二樣野既,唉...不過都好多野要睇,有成16張紙,32版既雞腸,前後攪左幾日先睇得哂!...但仲有最重要果part既powerpoint係冇郁過囉,不過可以星期四先present,so時間有少少少少剩既~

一陣又可以睇<創世記>了,實在太好喇,我既Joe Joe竟然未死~yeah~真係好好睇啊~

講返今日,一早起身,因為怕今日eng listening test遲到,so o係屋企超快咁攪掂哂所有野,仲好悠閒咁飲埋杯鮮奶先出門口,我肯定,係比平日早左成個字出門口的!之後仲o係車站見到亞介,好快就上左架506喇,之後,唉...架死人506佢係超慢囉,九點過d先到吉之島,正PK~攪到返去聽唔到頭果PART既Listening...不過都係算喇,因為都聽唔切,同聽唔明佢講咩,都低能架!又快又唔清楚,真係搵'鬼'聽喇~

之後做到十點到就走lu~我地就去左M記食早餐,hea到十一點幾,返到home睇返尋日錄左既<創世記>後,又開始我既Ibo了~做到晏晝三點到,又死左去訓覺...訓到六點~食完飯又再繼續...到依一刻,終於攪掂lu~但要開始做powerpoint了~加油先!~