今日雖然係星期六,但就要一早起身,因為要出去中環睇鋪...唉..今日好死熱,我地一行六人約左十一點o係吉之島,先一齊搭車出去中環~出到去都成一點喇,之後我,da,peggy and mo 4個就行左去睇我地既鋪位,我覺得好鬼遠囉,行到去已經熱到唔知自己想點...又熱又焗超辛苦,睇完我地就行去文華酒店度睇下人地d 朱古力,嘩,人地D朱古力真係好靚靚&好貴囉 ~

之後就行左去IFC度抖...因為真係好好好好好攰加熱...一入去D冷氣地方,簡直開心到想死,但一出去,就真係熱到有d忟~~之後我地食埋野就去左灣仔打算睇傢俬,但都唔係有好多俾我地睇,咁我地就行返落去銅鑼灣,話就話唔係好遠,但係依D咁既天氣,唉...

哈哈~不過行行下,俾我見到有個超大既基仔Poster o係集成中心上高~依d時候,緊係即刻拎相機影低依d珍貴時刻啦~yeah~

之後我地到左銅鑼灣又o係間餐廳抖左陣先,就過左宜家睇我地鋪頭d傢俬...之後由於亞mo佢地去打機,so我地就走先了~~~好鬼攰,由其是條腿~一上車就訓到死豬咁lu~呵呵,返到home都係八點,等埋加姐就同埋亞媽落街食飯~之後返黎都係hea 下,睇埋尋晚套<創世記>,膚埋個mask~又一night了~~

聽日要去da~da~度就功課....希望可以早d攪掂,可以早d返去做埋個Ibo啦......

今日遲左少少起身..攪到要跑落街追車,攪到身水身汗..之後返去上IBA,時間都好快過~之後等埋亞da同peggy考完普通話先走~而我就係下星期先考,之後我地4個去左元錄食野都係十二點,我地坐左成個鐘先至走

Then,冇上到IBO就返左home 大覺訓了~訓到六點幾就食飯lu~跟住hea左一輪就做我地英文囉~剛剛o係做<創世記>之前攪掂~不過今日唔睇lu(但錄左囉 ),要早d訓,因為聽日要準時返去上中文啊~

好幾日冇打日記了~實在太忙喇~已經唔係好記得之前果幾日做過d咩....剩係記得依兩日都通頂做ibo...連續兩晚都五點幾先訓...(哈,咁都唔以叫做通頂既)...

但我依幾日,最忟既係,到而家都重係搵唔到我個ibo partner...我真係未見過人做野咁冇交帶架,仲記得星期五同佢講左星期日之前要打好哂自己要做既野落電腦再翻譯!但我到尋日星期二晚都仲未搵到佢...星期三就要present,o係icq hi佢,佢又冇reply我,o係msn又即刻away,打電話俾佢,又唔開電話!!想點呀您~~您唔做又唔出聲,好喇,今日present最後又冇鋪頭....激死我喇!!最後當然只得我一個人present啦...點解d人可以咁不負責任架,咁冇交帶架,您自己唔做,唔好連累人(我)啊!!

唉....今日present,都預左唔得架喇...因為我只係做好左我果一半,不過又唔可以賴哂佢既...經過今日之後,終於發覺自己真係好無用!亞sir問我問題時,真係唔知點答佢囉,到底自己O係度做緊D咩呀?!當時真係好鬼徬徨,好無助...不過最後都好多謝亞MO,家明佢地幫我解答,不過咁樣顯得我更加無用...好唔開心...我未試過為左一份功課咁...唉...到底係好事定壞事呀?!愈來愈覺得自己同人差好多皮,點解人地睇一陣就可以答到d問題,而我..睇左咁多次都答唔到...前所未有咁Down...自信心再一次跌進新低點....

黎緊仲有咁多份功課,到底我仲有冇能力去應付到呢?!

好攰,好想暈低,好想一睡不起....