尋日唔記得左打日記...而家打返先...
不過依兩日都係咁過...尋日就同左媽and姐去左吉之島去換返d野又打算攪埋ibo先..so,sorry各位冇去到傾iba..
之後就返左home打算繼續睇ibo..但電視既威力真係好勁,令到我由七點幾拖到成十一點幾先繼續到...too bad...
而今日就十二點幾起身,之後hea左陣,蕙蕙(波波加姐)and波波就返黎lu~之後就同左蕙蕙出左去元朗,買埋禮物俾佢...哈哈!跟住四點幾到,我地就去左工廠區既天后廟搵拜緊神既媽and爸...好攪笑,我地勁無聊咁睇人地做大戲,蕙蕙可能太悶既關係,佢竟然搵條利去頂隻牙,之後就俾我地笑佢悶到甩左隻牙,哈哈,而波波佢見到d人做大戲,佢就好攪笑咁o係度問:點解d公仔(唱大戲的人)咁得意既?d公仔o係度唱歌呀?超攪笑...攪到五點到就返home了~仲趕得切睇<多啦A夢>,哈哈~

之後睇IBO睇到九點幾,Herry佢就山長水又遠咁拎個盤菜過黎,好野,有好野食...thanks~ 我睇今晚要睇哂ibo都有d難度,因為聽日仲有eng 既listening test未溫啊...不過好在我既partner佢都睇左一半...

今日係媽媽既生日..happy birthday~不過之前都仲係同緊媽媽佢冷戰中,但經過今日之後,我相信冇事既

唉,我覺得自己依排一日到黑都發脾氣,咩事都發顛,愈來愈覺得自己好恐怖...少少野就可以困自己o係間房成日唔出聲,唔通我真係自閉既?!...有時覺得自己真係好似外星人咁...唔係好識同人溝通同表達自己,永遠都只係活o係自己世界度咁,自己諗自己野,完全唔理人地既感受...唉...
講返正題,我地去左<萊茵河>食,亞彤佢地都有去,但去之前我就buy左份禮物俾媽媽,就係一係個好靚靚既擺設再加一個蛋糕,而加姐就送左部電話,亞彤佢就送左隻手錶...哈哈,都幾happy呀~一路食野,間餐廳仲一路播基仔d mv...so特別開胃啊~之後我地食埋蛋糕,九點幾就走lu~但爸就因為要車媽媽and許生佢地返去先,所以我就同加姐and亞彤行左一陣先返去...唉,去左izzue睇衫,有好多衫都好想buy,但冇money...點算...之後咩都冇buy到就搭西鐵走lu~返到黎hea左陣就繼續我既IBO了!!

直至夜晚三點為止,16張紙先睇左5張,有排攪喇...d雞腸多到嘔茄,查字典都查到想死...help me~

由於尋日終於嘔心瀝血咁嘔 左份HRM出黎後..元氣大傷,所以今日冇返到中文堂...實在太眼訓啦,原本都起到身架,但諗諗下,返到去又係訓...而且中文都仲有Quota,大不了咪做高危分子...所以就繼續搵周公~
訓多兩粒鐘就死返去上Icem,我地鋤左一陣dee,之後做左個mock,hea下就落堂了....一齊去左茶軒食lunch,今日有好多人一齊食,有成17個人...但我,peggy and da去完toliet 出黎,坐低睇睇個menu之後,最後都係決定走人,因為D野次次去親都係果D野食,而且又唔係好食...於是就叫埋亞mo and togo一齊去KFC食....

食完就返去上IBA了...見到Patrick入黎,又見到自己d功課,我地就開始緊張喇...patrick話我地班有2組70幾分,1組40幾分,1組30幾分,佢一咁講已經知冇行...因為對我地有威脅既對手剛剛有2組...而我地....最後...果然...唉...

不過都好在唔係30幾分....但我地都down down的...自己真係估唔到會唔合格囉....我覺得自己有俾到心機去做...諗住至少都會合格...好可惜...亞mo同我地講,話我地要拎多2.4分先合格...唉,真係好唔開心!!我知道冇人想拎依個分數,但依個時間亦都唔係推卸責任同怪責人既時候...我地黎緊既係要做好剩返果D功課...不過上兩次都好似係咁講,最後都只係得出D咁既結果...到底係自己能力有問題定咩呢...黎緊要交既係Ibo...要加油了...唔可以俾人睇死的!!愈接近谷底,愈要發憤啊!!

 
定立目標:依個星期六,日要睇哂Ibo份野!