尋日我哭了很久，但一如以往，并沒有人知道，媽咪佢同姨媽一齊去食自助餐，佢地話好開心，但係我呢，佢地有冇顧過我感受，我咁辛苦走去做暑期工等佢開心d，d錢全部俾曬佢，但係佢竟然撇下我自己去開心，一d都冇諗過我要話俾我知，如果唔係我打電話俾姨媽問佢地響邊，我諗我可能唔會知，我真係好蠢。佢有冇諗過當佢響度好開心既時候我由街頭走到街尾，險些迷路，我諗佢冇諗過，因為佢一個電話都冇打過俾我。經常地我只係一個被世人所遺忘既人，根本冇人真正緊張我，關心我，有時我什至唔知自己生存黎做咩。為左做小醜逗佢？我尋日番到屋企，唔開心塊臉緊係黑曬啦，佢竟然嬲翻我轉頭，結果要我扮冇野，哄番佢••••••

今日我家姐放假，可以同媽咪一起去街街，我就慘啦，唉，可憐的我，下午將會好多野做啦！我諗住做到二十二號就算啦，一黎係累，二黎我想有番d私人時間，享受下我既暑期作業。我呢牌諗緊一個幾嚴肅既問題，點解我到依家仲未有拖拍嫁，唉，我見家姐真係好sweatsweat呀，可憐既我只可以好寂寞禁.....我講緊咩呀，傻左添，尋日我去左幫我家姐個朋友，佢化妝果時居然手震，另外我尋日睇左醜女大番身，都幾好睇。

今日呢我都係好累，不過係眼訓，我本來有ｄ唔開心嫁，我唔開心都係因為媽咪又唔知點解好惡，不過依家冇野啦。我又know左網球王子全國大賽OVA第15集-不二百腕巨人之守護，真係好好睇呀，好鍾意，好鍾意呀！

星期日果日我真係好開心嫁，同ａｍｙ去睇戲同睇漫畫，但係一到左尋日我又開始我艱辛既旅程啦。

今日終於可以休息一下啦，我考完笛之後返左屋企，好開心咁響度睇電視，哈哈，有五日我都冇禁嘆啦。我諗我個笛子考試都應該pass啦，因為我偷睇到考官俾分，哈哈！