我病左啦，唉，返學先黎病，好煩。

今日我本來要去學笛啦，但係我隻手指仲未好番，所以就唔去啦。我今日要去番d書，但我又要趕番d功課，好煩呀，我以後都唔會做暑期工啦，簡直係自找苦吃，做暑期工做到個假期得番九日，唔計玩就得番果五、六日，邊做得徹功課呀，所以我尋晚夜晚先做，我覺得夜晚做功課或溫書都入腦d嫁，因為無人嘈住同無咩野令自己分心。

　　唉大件事啦，暑假快完了，我一半既功課還未做完，都唔知點算好啦，我諗我要加把勁才行了。我今日睇左一齣叫咩神鬼傳奇唔知ｄ咩睇到我ｏ曬嘴，ｄ特技比較差，劇情欠奉，浪費曬我ｄ時間。

　　今日本來要返學嫁，但係我今日好黑仔，食完早餐之後竟然無喇喇俾ｄ唔知咩蜂針到，隻手指腫得好犀利，驚可能過敏，去左睇醫生，冇返到學。唉黑到冇人有。響屋企睇電視，點知阿爸講左ｄ野令媽咪唔開心，我令個假期做暑期工ｄ錢都拿來安慰唔開心既媽媽了．．．．．．不過只要佢開心，我就會好開心嫁啦。
　　其實唔聯絡一陣係唔係真係會諗唔到野講嫁，點解我同你講電話會咁，我真係好想好開心咁同你講下我呢幾日做左ｄ咩，玩左ｄ咩，但係一聽到你又話聽唔到我講咩又或者唔記得我講過ｄ咩我就會好嬲，我都唔知點解會咁，而且響我聽到你好似唔得閒咁，我ask u 你做緊咩，你照實答未得，點解你要呃我？我真係好唔明，你咁做係浪費緊你既打機時間+我既睡眠時間，既然係咁，點解唔直說？

　　星期六同日，我去左一個叫『乘風破浪航』的活動，我玩到依家周身都好痛，但係好神奇地居然俾我遇到快要同我一班既人既阿哥，哈哈，真係好神奇呀，不過唔只呢樣，我竟然敢從有三樓禁高既地方跳落海，真係奇蹟，呢個活動要成日跳海，跳落海果時達到個屁屁好痛，痺左一陣，所以我就浮左響水面一陣先游，真係好鬼痛，之後又要守夜，同d人chat左一陣就響甲板度訓左一陣，到三點先可以返船艙訓，第一次訓響男仔旁邊，唔知點解我竟然訓得到，可能係因為太累啦，之後第二日仲要跳落海游早水，食完早餐又要由船果度游去沙灘，跟住又要游返去隻船度，雖然累左d，不過真係幾好玩，我玩得都幾開心。