尋日打完羽毛球,今日隻手真係好痛,唔單只隻手,連條腰都痛,下個

禮拜一,三,四都要去,都唔知點頂。尋日又好遲先訓,所以今日上堂又

嚮度釣魚,最悶係上經濟,唔知做咩好,佢(個老師)講野又無聊,又唔訓

得覺..........好眼訓呀。都唔知點解我地班禁快有功課,3日之嘛,唉!

今晚又要去學笛啦,氬係我都冇練過,死梗,但我命硬,應該冇事,希望聽

日可以順利d啦!

　　今日我冇偷懶啦，我去左打羽毛球，可能因為太耐冇打啦，成隻

手好似痺左咁，聽日實痛死都似。今日上數學堂，個老師白痴嫁，講

左兩堂廢話，但係成班差唔多冇人聽得明佢講咩，我好懷疑佢點樣可

以past到。如果兩年都係佢教，我會考數學實唔合格。另外，中文堂

無喇喇調位，坐我旁邊d人我都唔識既，上堂果時勁唔慣。

  今日個頭暈暈地咁，一返屋企過左一陣就訓左啦，但係訓左一陣個頭好似仲暈得犀利ｄ

添。今日上我至唔like既數學時，我差少少就訓着，個老師講左好耐都未入正題，上地理

堂d時間過得好快，上音樂果時，老師竟然話要收書，我覺得佢係驚我地借書俾人，但係

佢成日收左d書唔俾返人，我成日都幻想自己丙緊佢......聽日我要去打波啦，個老師要我

地諗下點解羽毛球隊會愈黎少愈人，都唔知點諗.....

結果我都係冇去到打羽毛球，因為個time真係好怪，我今日十一點半放學，但係佢個練習時間係兩點，都唔知返唔返好，所以未唔返啦。聽日正常上課，要bring好多書，好重。好想依家仲係放緊假.........

今日開學啦，但我仲覺得放緊假咁啦，我今日睇左三齣戲，依家做緊暑期功課，今日過得真係好快。我聽日又要去練羽毛球啦，但個時間怪怪地，唔理啦，聽日先算。