今日朝早11點又番學校溫習班，我又約左李凱晴la！不過今次仲多左個人，就係李凱晴個細佬la！佢同我地一樣補Maths，李凱晴話佢自己Maths小學已經好差，佢細佬就相反，Maths幾勁，真係好笑！佢細佬同過我傾MSN，不過多數都係鬥鬧，不過好好玩囉！佢細佬真係高，就尼17幾cm la！D人都話初頭見到佢細佬都以為係李凱晴個阿哥，我就唔覺la！除左高度之外，其他都唔高得過李凱晴，佢好低能嫁！個樣又細細個咁wor！但係個人就成枝竹咁高，又唔肥，同李凱晴一樣係瘦個D人，成排骨咁，好似好易推跌咁，勁好笑！平時打電話去李凱晴屋企，佢細佬實大聲講D勁好笑既野，大部分都係話我嫁！唉......無法la！男仔係低能D嫁la！見到佢，成個袁廷匡咁，一樣係高同低能兼無聊，不過袁廷匡就多肉D，不過佢都算瘦嫁la！一上到馬鐵就見到佢同李凱晴，坐係佢地隔離，有D唔自在既感覺，突然冇野傾，好怪。佢又同李凱晴講話見到我覺得好唔自在，係MSN就係度狂鬧，電話裡面佢又大聲話我，宜加反而唔出聲，真係怪......

  番到去，點知，唔記得左睇係邊間房，周圍走，結果走到去一開房出面，諗左好耐都唔敢入去，晒晒D時間，唉......李凱晴就唔洗講嫁la！佢勁冇膽，我都唔係大膽個D，迫不得意至要問，結果係入錯房，行左去第2間，又搞左好耐，最後又要我問，今次終於都岩la！

  溫習班竟然唔係溫番中一學過既野，而係教S.2既Maths，嘩！死la！初頭做，覺得勁難，但係做落左，除左某部分唔識之外，其餘好多都識，好彩。李凱晴同我差唔多，不過佢做得慢過我。個阿Sir，我第一眼見到佢，佢D衣著好細佬個，T-shirt短褲長白墨，李凱晴都話佢成個小朋友咁，突然覺得佢有D似李凱晴個細佬，haha！不過我冇同李凱晴講呀！費是佢話唔似。唉......個阿Sir教人教得好快嫁！有陣時佢過到尼教一題數，聽完都唔係好明嫁！唉......初頭仲好怕問佢tim！算la！唔明咪問我補習Miss囉！佢實答嫁！Hehe......

  今日下午又去左練琴