今日同平時一樣朝早要補普通話，我同阿妹都好想去書展，不過要去同阿爸D friend 食飯，算la！我同阿妹都可以見欣欣la！Yeah......唔知點解上到巴士我係度狂打乞癡、流鼻水，勁辛苦。入到冷氣間又好易覺得凍wor！慘......食完飯竟然有得去書展wor！Happy......不過本來阿爸唔去wor！如果阿媽陪我地去，佢實唔畀買書嫁！最後經過我同阿妹係咁叫阿爸，佢終於都肯去la！Yeah！

  去到書展，初頭好興奮嫁！買左一D書，之後，開始行累la！我又病病地wor！勁辛苦，之後行個D都係阿爸阿媽睇D書，悶到死！初頭一心想去突破個攤，但係中途經過好多個攤，又停左好耐，搞左好耐，我已經筋疲力盡，好想坐低休息，行行仲發現自己發燒tim！真係好辛苦，病左都要行，病應該攤係張床度休息嫁嘛！宜加反而要行到死死下，我咁大個都係第一次咁樣炸！我永遠都唔會忘記lee次經歷嫁！經過左好多艱辛，終於都到左最後一站——突破。突破個攤好大，我開心到即刻周圍走，左睇右睇，睇下邊本岩，不過其實最後都只係買左一本咁多多，阿妹想買一來，不過阿媽唔畀，唉......估唔到尼到我最想到既一個攤，竟然只買左一本書，其實個度有好多書我都想買既，不過我就選左本最鍾意尼買姐！我諗：係突破睇野既時間少過所有我去過既攤，唉......真係...

  行出會展，累到死，同阿妹一齊某左係條街度等車。車終於尼到，上到去即刻睡著。阿爸話請我地食雪糕，但係因為我病，唔食得，只可以眼白白睇住阿妹同欣欣係度食，不過好彩冇我鍾意食既朱古力味，如果唔係，我實想食到死。去到阿爸個friend屋企，坐左一陣，9點幾，佢地至話去食飯，佢地話唔知去邊度食，話如果慢行要成15分鐘，我心諗：嘩！咁耐？我就尼餓死la！我同佢地唔同呀！阿妹同欣欣都食左雪糕，已經有D野係個肚度，但係我咩都冇呀！之前係書展已經肚餓嫁la！熬左咁耐，仲要熬多15分鐘？Lee15分鐘對我尼講真係酷刑，一路行過去，一路想死......嗚！終於都到左間酒樓la！我勁開心，眼前好似出現左一條光明大路咁，好心急想踏上去。上到去，等左一陣就有野食la！真係好開心呀！唉......死la！食野食遲一陣已經咁辛苦，非洲D小朋友咪仲慘！我真係嬌身慣養la！不過我都唔夠我D同學勁，佢咁大個女，到宜加仲要工人幫佢剪指甲腳甲呀！Eric都係嫁！(腳甲我唔知la！不過我知佢唔識剪指甲，有次So Sir check 指甲，帶埋指甲器尼要我地剪，Eric冇剪好，要自己剪，番到尼，佢話自己唔識剪，剪得好樣衰，仲話番到去叫工人幫佢再剪過。我以前都係工人幫我剪指甲腳甲嫁！不過大概4年級度已經冇lo！

  我、阿妹、欣欣食完飯之後，就坐左係電視前面睇女皇的教室，勁好睇呀！不過差一節就睇完個陣，就要走lo！唉......

  番到屋企成12點lo！沖完涼12點15分，阿媽叫我食完藥就訓la！阿媽仲主動幫我搵番以前D藥出尼，我都係第一次見到阿媽咁關心我、咁仁慈、咁好嫁！我突然之間發覺：原來媽咪都唔係我諗得咁差嫁！佢都有好既一面，佢惡都係想我好姐！我突然又改變志願la！我唔但只要孝順阿爸同舅母，仲要孝順埋阿媽！