嘩......就係敢樣......喊左幾日

講真，當我知道Miss要走既時候，我無乜即時反應，好似有心理準備敢，只係唔出聲，係到諗，如果3E班無左Miss會變成點......

我直至祈禱時先至滴出第一滴眼淚，然後不斷不斷流，一路聽Miss Lee同Miss Hui講野，眼淚好難停落黎，去到VA室，又係唔停敢流，我係到諗，聽日會係點樣既一日......

到到前日，朝頭早去搵Miss Hui，比張紀念冊紙Miss，又喊左出黎，Miss Hui安慰我，但我覺得我一聽到佢把聲(溫柔的)我就好想喊......

到左lunch，我地都好快食晒野，想爭取多D時間同Miss Hui過埋今日。當我攞住個支螢光玫瑰時，我真係覺得我地3E班好有心，好勁，可以做到敢多野Miss，我都好想喊......

到到歡送會，當然，一路喊個唔停，不停流眼淚(喊得最肉酸既係我>~< 塊面紅晒...)，聽住Miss Hui一路講，D同學(女既)拎住張紙巾抹眼淚，我都好難過，又停唔到，好辛苦，只係識得喊。

放學睇相，見到自己可笑既樣，真係......

時間係敢過，我地同Miss Hui又影相又簽名，但都唔能夠掩蓋我難過既心情，好快就同Miss講再見，真係好唔捨得，我又再次流淚(做咩敢眼淺架你!!)，我想留到最後，唔捨得Miss，過左呢個新年假就好難見到Miss架喇...... 我一路喊住走出校門，行得好慢好慢......

如果Miss第日番黎3E，唔知我會唔會喊呢?? ^^

Miss Hui ，你係一個好好既老師，我會好好記住你 I Will Miss You ~~  要快D好番呀!! 敢先可以快D探我地丫嘛!!!!!!