大家有冇掛住我呢?我好似係年三十唔係香港到年初六先返黎香港，當中，過著既日子基本上都係重複咁過，先由年三十講起~

年三十:晏就5點幾到澳門，跟住係婆婆屋企食晚飯，跟住有囍事發生，就係我表姐有左啦~我出年有可以收多封利是XD不過我有D唔開心，一方面就係我未來表姐夫唔好咁好人，又食煙，我最憎人食煙=3=所以我同佢食杯過時，我同佢講:做人老豆，要戒煙喎!成班人都話好!><另外一方面，就係我老啦...到時BB出世時，係10月到，我做人細舅父啦=3=感覺好老咁...唉，我表姐30歲都未到，BB出世就叫人舅父，救命!!食完飯打左陣麻雀，打到11點差唔多搭10，收枱，等豆利是XD

年初一:訓到10點幾，同婆婆公公佢地食野，食到1點幾，返到去又打麻雀，贏左好多錢，死懶貓，講好左十蚊一鋪，點Q知埋單個時一蚊一鋪，正懶貓>3<

年初二:又訓到10點幾，又去飲茶，返到去，又打麻雀，又食飯...

年初三:過珠海到住幾晚(同婆婆一齊)，阿媽D朋友一齊食午飯...跟住買DVD(番版)8隻，正!食完晚飯，睇DVD(係電腦到)，睇到1點幾...訓左

年初四:我跟我細父去斗門拜年，順便係人屋企打邊爐XD食完飯，放煙花，玩到9點幾，去波枱篤波(我細父好勁架)我睇佢表演，睇睇下，差少少訓左...佢篤到2點幾，返去，跟住等3點9睇波，睇睇下...忍唔住訓

年初五:睇戲...

年初六:9點幾起身，食D野就走...唔捨得，婆婆，我暑假搵你XD

星期五，做功課...星期六，送電視黎，正46吋，比之前42多4吋，我之前個電視係年28冇畫面有聲音...新電視有高清睇丫，終於可以睇J2啦XD好正，睇到眼清過人，不過睇得多，隻眼好辛苦，跟住根係打陣機(試機)，話就話試機，打到我好high，史上最清，打機好舒服丫，以前坐梳發打機唔得，要坐前D先得，以家，正到你，總之冇得講啦!

星期日:問人借功課...

講返今日，冇咩發生，最開心到係上IS，家政同GS，IS堂講生殖器官，阿sir好好笑，總之呢D內容唔可以講出黎。上家政，整pizza，我同個條友咩都唔識做，得我一個人做哂，仆街，整個pizzaOK好食XD上GS，不嬲都鐘意上，係唔鐘意做功課，測時事，唔小心13分，又要去上台比賽(之前經挑選)可能有我份啦。

唔講啦，留cm啦，我打得咁辛苦...