原來我同安安一齊不知不覺已經2年零7個月啦 ~ 原來時間過得咁快喎, 眨下眼我係 m 記到做都差唔多1年啦 ~ 係時候要同 m 記講 bye bye 啦 ~ 我終於下定決心係今個月底辭職啦 ~ 其實我都幾開心呀 ~ 終於可以走啦 ^^ 不過我仲未搵到工呀 TT 希望可以快 d 搵到啦 ~ 如果係我最想做 ge 文員或者係會計就好啦 ~

唔知點解, 我e+有一種好想快d 離開M 記ge感覺, 唔係因為我覺得辛苦, 又唔係因為唔鍾意係果到返工, 但係唔知點解果到好似唔適合我繼續做落去, 果到係一個是非之地, 佢地每一個人做ge野, 同講ge野都唔係出於真心, 今日對你好但係唔等於聽日唔係係你背後講你是非, 我覺得係果到返工有一種厭倦ge感覺, 我今日返到屋企我老豆同我講我可能有得讀書, 我唔知點解有一種好開心ge感覺, 然後諗到我到時又可以轉工, 都幾好ge感覺, 我好想轉做一份文職ge工作, 唔知到時會係點呢? 可能我ge人生會有左一d 改變, 但係有時我又好唔捨得, 我都唔知我自己想點!!

今日11點幾起身, 然後就去左老公屋企, 因為我肚餓, 但係我又好想食薯條, 所以我同老公就去左M 記食野, 我地都食得好飽, 之後, 老公因為要返學, 所以我地就分開左走, 我就返屋企做家務, 因為屋企人唔得閒, 然後做到夠鐘我又啱啱好做好, 我就好似平時咁返工, 今日又係我收C+F , 但係因為今日好多人, 所以, 我去到11:30先開始收, 如果唔係有個阿姨提我, 我諗我都唔記得我要closing 啦, 不過, 唔知點解有一個人佢成日都黎買野, 不過佢e幾日就日日黎, 我日日都見到佢, 佢有時會一日黎兩次, 今日我又見到佢啦~ 佢每一次黎都同我微笑, 每一次都黎我到買野, 不過, 今日佢好夜先黎, 我要收closing, 咁啱我又見到佢黎買野, 佢又見到我, 佢又對我微笑, 去到差唔多做完我要做ge野之後, 我地餐廳ge大佬佢請我地去食野, 我有一個同事佢話等埋我帶我一齊去果間好似咖啡室ge餐廳, 因為我果時好肚餓, 但係我叫果樣野又未黎, 所以我個同事就分左一d比我食, 唔知點解我果樣野又要係最後先到, 我餓到個胃都有d痛, 之後, 我地返餐廳, 我個同事佢比左佢d卷比我, 係可以免費攞野食架, 可能係因為佢比我大小小, 佢又成日都對我好好, 所以, 我有時覺得佢有d似我家姐ge感覺, 佢同另一個經理都好鍚我架~ 所以我係M記褢面我真係好開心, 但係到左第日我真係要走ge時候我真係唔知點算呀~ 我可以會好唔開心呀~ 不過, 我真係好鍾意果種比人錫, 比人照顧ge感覺呀! ^^

自從返左closing 開始, 每一日放工都差唔多2:00, 但係都已經早過啱啱返果幾日放工啦! ^^ 而且都幾開心, 我都唔知點解呀~ ^^ 不過, 我遲d 可能會轉工, 唔知點解有時我會有d 唔捨得, 但係有時我又好想快d 可以轉工, 但係我係果到識左一, 兩個真係可以講到心事ge人, 我如果轉工我真係會好唔捨得佢地, 有時我真係唔想轉工, 唉~ 有時我都唔知點算, 離開左M記, 我ge所有野就好似從頭開始過咁, 我真係好唔捨得呀~ 我係果到真係做得好開心呀~ 我好唔想離開佢地呀~ 點算呀? 有冇人可以幫到我呀? =3=

我今日係第2日返closing, 對我黎講係好新鮮, 因為我從未試過係點架~ 但係原來比我想像之中難好多呀~ 有好多好多野要做, 雖然好似好辛苦, 但係好開心架, 本黎我以為可以好好咁做, 但係今日兩次放休息時間ge時候都有人同我講d 阿姨唔鍾意成日都係我做收C+F 呀~ 我都唔明點解d 阿姨可以去咁執著呢? 佢地以為收C+F 係好舒服, 冇野做, 但係對我黎講唔係咁架! 對我黎講係有好多野要做, 多到就好似果兩, 三個鐘都係冇得休息不停咁做野一樣, 就好似同時間比賽咁, 因為我放工放1:00, 但係如果做得慢ge話, 就要放好夜, 成2:00先工, 所以, 對我黎講係同時間比賽, 但係我唔明點解果d 阿姨可以咁諗, 唉~ 係唔係d 女人都係咁煩架!!! 雖然今日我係第2日做closing, 但係d 野多到我想喊呀~ 係要不停咁行得好快咁去做, 就黎要跑先得呀! 我都唔明點解我可以做得慢, 去到2:00先放工, 但係我已經好努力架啦~ 我聽日會用另一種方式去做, 因為我已經計劃好d 時間點去分配, 聽日就係我試驗呢個計劃成唔成功啦~ ^^