面試日....

毫無信心

琴日俾人玩殘....

不過.....
已盡力係呢段時間拋開一切....豁出去...
表現總算係過得去....

----------------------------------------
2點鐘....係南昌站同肥仔過去....

緊張...?  總會有少少.....

到左之後...仲有成大半個鐘....  大家一齊吹水放鬆下....
總係覺得面前四條友...  左邊個兩個好熟口面....  懷疑係舊生o__o

入去interview...簡單既自我介紹...回覆一條簡單既問題....
就返出來繼續吹水.....

直到8個人都見哂....
就要進行一個group discussion
題目就係 : 若你是一個善長人翁,你會捐款結以下那類人士

(殘障兒童  中年失業人士  雙失青年  少數族裔  長期病患者  獨居老人)
見咁多人揀長者....我就揀左第一個....
不過....有d野真係令覺得佢好衰
就係有個同校師兄爭住來講....  乜Q都講哂....   連我想講既野佢都講出來...
仲要搶....  咁岩想講野佢cut我招.... 
,而且自己又太過認真聽佢講野而俾佢洗左腦...唔記得左想講乜....
少....今次pop guy....

走個時....同肥仔不斷踩頭先搶答個條友...
不過肥仔之前都話過...同佢一組會好慘....
真係好慘.....

--------------------------------------------------------------------
經過琴日件事.... 也許我係有錯..... 
但我想你地反思一下....  人地成功既背後係乜?
你真係鐘意個樣野  就對佢比d熱誠
而唔係當一樣野好似公仔咁...  鐘意就nam   唔鐘意就掉.....

我講咁多都係想你地反省一下....雖然我講既野會令你覺得好嬲  好唔開心....

唔知係咪因為form 1,2,3 個陣都受過呢一種既對待....
先會咁樣對人....


From : Hydeyoshiki@xanga

耐....冇打xanga =)

懶.....係一個原因 =P
------------------------------------------------
相約丫龍同siu狗過來大埔游水
本來一切都好順利嫁~   只係又天氣在玩弄我地~

4點.....陪mami行大埔超級城~
好彩間吉之島冇變一田~  唔係吉之島會冇左後面個2隻字... (姐係得個吉)
2個鐘就行得哂A-E區~~~~~

行左入間bauhaus.....
d 女sales望住我....(係望樣...=D )  見佢望住我....  我都對住佢點點頭  笑一笑~
之後佢就走埋來問我~~~
你今年form幾...................
@o@!!!!!!!!!!!!!!!!!!!!!!!!!!!!!!!!!!!!!!!!!!!!!!!

中四.....  
又係同一個問題...同一種反應......
"下@@   你個樣好細個 唔似中四播 @@ "
好笑@@   間bauhaus  竟然有2個女sales 問埋我同一個問題@o@

6點半....  狂風....大雨...打散左我地既計畫~ 
then 丫龍話過大圍游....

見咁大雨...緊係要買把遮啦~
經過japanesehouse... 見14.9一把...就買左佢啦.... (係咪好平呢)

7點2....到左大圍.....   個邊都係好大雨
最後siu狗冇來....  屎忽恆來左....

呢個世界....真係好野冇平....平野冇好.....
想開遮個陣....  遮ban 同 把遮  分離....  合唔返@o@
pop guy~ 哂我錢 x)

屎忽恆冇帶學生証.... 我地收9蚊...佢收20蚊....
20蚊...夠我游多轉-____-

唔知點解室內場既池水咁鬼凍....  入心個隻.....
游游下...我自己走左入更衣室沖身再行返出來-___-
點知...仲凍

只係一年間....  一年間就變到咁"咋"...-0-
以前既我游到 6+1/2 個池
呢家得 1/2 個池      連1個池都游唔到既屎忽恆都勁過我TOT.....!
所以大部份時間我都係死左埋一邊玩自卑

10點鐘游完
3個一齊去大排檔食dinner

之後返左屋企.....   想訓..又想打機...
____________________________________
見人地用英文打xanga ...  我都有諗過用英文....
為左面子.... 廢事俾人捉錯處 @@


from : hydeyoshiki@xanga

懶既後果....
     我唔係幾受得起....
                        但係又想懶

--------------------------------------------
唔經唔覺....  差唔多又一年 =P....

今年學業.... "事業"....都未如理想
係懶左?....多野做?

哈哈....  今年成日都掛住玩.... 
功課有時都懶得做...咁咪退步囉-v-

講開又講....   今年日日都要測驗....
琴晚又未做完功課  又要溫書~ 都已頂唔順...
點算好
當初又話 2次大測2次考試難為d老師.... 呢家仲慘....日日都要出卷-3-

而我地...日日都溫得個少少.....
魚sir話....  D野...唔係今日溫嫁嗎.....
嗯....  你地雖然一早講定....
不過大家都做過學生....你都體會到我地既感受嫁-____-

畢竟....離文憑試又近一點....   真係想像唔到...我留係度考既話    個刻會點
見d會考生嗌哂救命....   我怕自己未考都要嗌定.....
個d pop guy通識....我認為真係唔係人做.....

出d簡單d得唔得丫-3-....   你地主張唔死背...多角度思考....
倒頭來又要我地背埋哂d垃圾概念詞....  機構丫.....  香港現時狀況.... 法律都要我地背~
LOL !!

多角度思考....  持份者寫夠....  寫解決方法... work既...都俾老師駁到唔work
太過主觀....
吹多少少又驚俾你話答非所問....真係俾你吹9漲.....

講下講下又好似離左題'''  

嗯....  講咁耐....  我都係想講....   我想出去讀.....
正因為怕面對中六既 "殘酷遊戲".....
以我係band 2學校考中間....  一定俾班精英踩住上.... 
(特別係12年中七個班)

如果真係既話....  堅要下定決心..... 
可惜時間冇多.____."   
唔知係咪怕英文....唔知係咪怕孤獨....
好想豁出去.....  因為  為左我既未來.....

點都好.... 機會要自己向人地爭取....把握人地俾你既機會....
唔係得個講字....而係去實行....  相信   都應該唔太難~

-------------------------------------------------------------
Hehe....只係無聊 + 即慶一篇xanga -___-



From : HydeYoshiki@xanga