岩岩經歷完洗腦大行動

咁岩行左去廳

阿爸見到叩我坐低

洗腦大行動開始

開埸白:講買衫.......

理科.......護士.......

出路.......

話題一轉,去左宗教信仰...心誠則靈.....

再講以前個時點點點

一個唔夠,再加個阿媽

歷時唔知幾耐GE洗腦終於完結

全程發呆...

一下望住張飯桌....

一下望住個遙控....

無奈.....相信之後GE洗腦大行動陸續有來....

..............................命苦..........

琴日放學本身話幫曉容整壁報

但突然有D野好想做,跟住返左屋企

我成功左LA, haha~~~

好有成就感

個件事係咩呢

就係學kk入遊戲程式落計數機

入左一個估數字同21點

有老虎機同圍骰

不過呢d賭博成份ge唔係好想玩

依家個21點都未識玩....

不過都好kai心

今日同阿媽去shopping

撞到Hazel同佢ge fd

今日大收穫!!

買左好多野ar

haha,好kai心~~

從那裡掉低,就從那裡起來吧!

D人成日話要成功就要努力

有左努力之後你未得到成功

成功唔會咁快到你手中

佢又要你有恆心去做

有左恆心,又要你識變通

有左變通仲要有呢個機遇先得

.....................................

今日做錯左一件事

係呢度懺悔

已是2010年的最後幾天了

琴日,知道有一個幾熟的親戚死左(用R君暫代呢個親戚GE名)

咁大個,可以話係第一次真正接觸死亡,以前係電視新聞睇個D

或聽人講個D,聽完就算,

但係呢個可以話係第一次有一個身邊幾熟GE人死左

R君琴日9點,死左,享年85歲

佢細我阿爺10歲,同我阿爺一樣係教書

R君GE父親係我阿爺GE哥哥

R君平時對我阿爺幾好,2人志趣相投

佢未病之前幾乎日日去穩我阿爺傾計

R君為人平和,寫得一手好字

我之前細細個O時見過佢寫春聯

佢由7月病到依家,生活所需都由人照顧

據我阿媽講,佢瘦到得返排骨,真係好慘.....

佢成世人都咁好,但係咁早死

佢屋企人一定好傷心,尤其佢老婆

失去左一個甘苦與共的丈夫,一個陪伴左自己幾十年至親至愛GE人

我阿爺知道左一定都會好傷心,之前佢不斷問點解R君咁耐冇離

D大人唔敢話俾佢知R君GE病冇得醫

雖然一早知道R君GE病冇得醫

但從未冧過佢會死,真係會從呢個世上消失

來也空空,去也空空,或許這就是人生吧

人一旦死了,榮譽,名利統統帶不走

只除了自己的故事,一個屬於自己的故事

這一生的快樂,悲哀,成敗,得失

隨着自己的離去而如流水般

在世上永遠消失....

有人一生坐擁金山銀山,有的窮困潦倒

有的則是凡夫俗子,和你我一樣

當他們死的時候,還不是什麼都拿不走,,,

話說我今日又去幫上次位人兄拎野(我阿爸)

今次唔爆粗我對唔住自己!!!

X街你,屌你@X*&%^^#$^

我今日出門個時同A人士換左件外套

因為A人士要出去耐D,佢件外套唔夠厚

我頂住寒風,手腳冰冷,全身氣溫驟跌10度

去到間野,你竟然同我話今日放假,冇得拎!!

放假又唔見你唔開工,放假你又開鋪!!

既然你俾唔到我,好心你24號個日米同我講話星期一拎LA!!

又搞度我白行一次,SAI我時間

上次話做運動我豪俾你姐

今次又做運動?!

你同我阿爸話2日之後拎得,本身係24號

我去到個時你話同我阿爸講左星期一先俾到

但我阿爸都冇同我講,都唔知你係米真係有講

定係係咁而為自己博返個台階落

好采我阿爸冇去拎,如果唔係罵死你

係我D咁GE細路先俾你"握"(相對比佢細)

好心你唔好要我一而再,再而三去你鋪頭LA

我見你一次就夠LA,唔想再見你第3次,阿叔!!!

你做人咁冇信譽,你間鋪頭咁冇商譽.學人開咩鋪AR!!

我發誓,我今個聖誕假唔會見你第3次

D野等過2日我阿爸返離我俾返佢

叫佢自己去拎

再見你多1次,我會爆!!

雖然你又話聽日有得拎,但我聽日一定唔會去

費事你一陣又話冇得拎,又要聽日

我會失控爆粗!!