今日係一年一度學校運動會的第一日，好早就去運動場，去到地鐵站出面見到英姐，到左運動場，要排隊登記，登左之後，就用部相機不停咁影相，影呀影呀，都唔係太重視點解我要帶部機返來，見到D識得的人就影呀影，影到開幕禮過陣時，彭SIR要我去影升旗，無計啦，只好跟往咁影呀影，我係下面影個時無風，等我走左，D旗就飄呀飄=.=。

開幕禮後，我就去風紀當值個到，只係得方嘉係到，我坐左唔洗一陣，聽到個咪話唔知咩標槍，我就立刻跑個去，我估唔到係郭SIR負責，我見到佢，我都頭痛，佢係到好鬼長氣講呀講，到開始無耐，楊詠欣又走鬼左去，郭SIR叫我記錄成績，我昨日都無上堂，要我做E D野，無計啦，我都想影相，無影到，魏家豪、肥添同徐鋼都有參加，徐鋼佢好似第二次成功左，不過都好近下，添爺話近都好過下下死槍，佢一標，遠過徐鋼，佢就好鬼開心，郭SIR佢地好鬼似女仔咁；好多人都槍尾落地，魏家豪佢第一二次個時去左跑，到佢返來標，結果死槍，好似我地班個D無人入到決賽，決賽D人都標到好遠，做左兩個鐘，最尾都要比楊詠欣害都次，佢攞左郭sir本場刊，郭sir就駛人唔駛本咁要我找，我跑左好耐，見到楊詠欣，佢話係看台地下，叫我自己找，我又找呀找，見馬德偉個D，找到本唔知邊個的場刊，好彩都係郭SIR的，我就要找郭SIR，跑呀跑，找來找去都找唔到佢，我成個運動場都去曬（除左廁所），都找唔到佢，找到我死，佢一定係人間蒸發左，找到放午膳，都係唔見，只好去食飯，不過係門口見到佢個頭，我又跑，終於比到佢啦，上午就咁跑完。

同昇個D食完飯，又排隊登記，登左之後，就又用部相機不停咁影相，影呀影呀，都唔係太重視點解我要帶部機返來，見到D識得的人就影呀影，（點解又係咁=.=），不過最後去到記錄室比影，比彭SIR話我影D無聊相，要我出去再相，去影呀影，都係四周走，最後去到跳高個到，不停咁同合桃係到講野，又影下相，無啦啦到左最後，得翻陳燕強跳，我又係到不停咁影，但無啦啦合桃話唔夠高，要我去幫手，無啦啦我又幫左手。佢跳到177就跳唔到，不過佢都叫破左紀錄。之後放學，就走人返HOME啦。今日真係跑死我，我現在都重好疲倦呀……

我返來睇翻D相，又好多都好爆笑。明天又要影呀影，不過今日比亞爸罵我無啦啦做咩帶相返學，開始話明天唔比帶，最後佢就話帶埋明天唔可以再用。唔....我要自己買部呀！！！！