今日我做左一件好傻同埋違背良心既事，雖然明知結果會係咁，而且亦知道咁做係好唔應該 但我最終都係做左．．．．人就係咁ga la，明知唔岩都想去試下，因為唔試就唔會甘心，但試左就令到自己傷心
今日我終於踏出我重要既一步 --> 學踩單車 響玲姨同強哥佢地既悉心教導之下，我用左２個鐘既時間終於學識左 雖然只係２個鐘，但我付出既代價就大law 我成對腳都撞到瘀哂同腫哂 雖然過程係好痛，好辛苦，但係我都唔知點解個陣我好有衝勁一定要學識佢 而呢一種衝勁我覺得我好似久違左好耐咁 學識左之後個種成功感更加係好耐都無試過 學踩單車響其他人眼中可能只係一件小事，但對我黎講最重要既唔係結果，而係響過程中我搵到失落左好耐同埋對我黎講好重要既野，所以呢一次絕對係一次好值得去記住既經驗
以上呢ｄ就係我個２個鐘既"戰績"，真係好似比人虐待咁，我都唔知點解個陣我撞到咁傷都仲搏命，係咁踩．．．． 結果我依家就suffer緊,對腳真係痛到喊,仲有排都唔著得短褲同裙tim.......
返左幾日工，最令我覺得辛苦既唔係工作過程，而係我對鞋 著住對鞋每日企咁多粒鐘簡直就係一種折磨，而結果顯示"忍"果然係中國女性既美德
今日係ar mo既大喜日子，我當然好替佢高興，但係最令我感慨既唔係佢受浸個一刻，而係佢所講既一番說話 原來佢之所以信教係因為受到佢依家既組長所感動，原來佢組長響佢最失意既時候不斷咁扶持佢，支持佢 而我呢個"好朋友"竟然懵然不知，完全唔知佢經歷過咁多事 的而且確，ar mo信左教之後係變得比以前更加好，而表面上我地既關係好似並無因為佢信左教而改變 但係我隱約感覺到我地好似疏遠左咁，可能因為佢每個星期都會同佢教會ｄ朋友見面，所以佢地知道關於ar mo既事一定會比我多 我唔想因為大家唔同既宗教背景而令我地既關係變質，我唔單只唔想，而且係好驚，我好驚呢一日既來臨
差d就做左一個錯誤既決定，雖然第二朝要考試，但唔去既話我一定會後悔 因為實在太好睇，太正，氣氛勁好，個個都好high，好似開party咁 佢地d歌又正唱得又好聽~~~~ 係我聽咁多次concert之中最正既一次 但可惜既係buy唔到紀念品....
