係醫院住左一個星期多一日

尋日終於返到屋企啦

坐一陣會頭暈既問題一日好過一日

不過始終係冇冷氣既地方都要小心o的

係醫院既日子真係難忘   好比當年中五畢業營

其實我已經好好架啦 住一星期就走得

係醫院識到既人都住左兩三個月咁耐(而且我仲早出院過佢地)

大家各有住院既理由   而我附近床位都係老人

比較寧靜(其實係非常靜...)  隔壁剛好相反

1x到2x都有   有時會好嘈 

NDSL成了當地青年既娛樂  我自己理所當然都會玩埋一份

不過初初五日真係只係攤係床到  因為根本起唔到身

呢段時間有好多人黎探我  由天水圍去到醫院個o的真係辛苦哂  

 Chris同Polly 就有時放工就黎睇我   真係好多謝你地

不過成日引我笑個o的  雖然我笑得出  但係傷口好痛ar

仲有好多謝姨媽們既關心  有好多好野食

我發覺原來個個首選都係買車厘子比我  

個個都話"車厘子補血丫~食多o的~"

但係我真係已經食左好多啦

打到呢到開始有o的攰  要休息一下......