較左鬧鐘7點啦..咸蛋就6點幾打黎~嚇死我,之後我就話:「唔洗咁早呀?! 」~之後再訓多半個鐘啦..訓訓訓,係鬧鐘響前2鐘分訓著左,跟住就發緊夢~訓訓下,鬧鐘就係咁響啦~真吹脹...跟住起身梳洗完畢後~搞掂哂d點就7點30分到出門口~去到巴士站等車,勁多人,成架巴士爆哂棚,搞到等勁耐先去到西鐵站~之後去到天西,拎左份報紙黎睇,想拎「頭條」,點知拎左份「aｍ73０」...!!跟住,去到兆西,一出閘,咸蛋就落左車了~~之後就搭輕鐵返學..去到蝴蝶落車........

               返到學校o既門前,見到傅恩係前面，就同佢一齊行~再行前dd~就望到bb已經係樓上....之後就上一樓啦,傾左陣企~就入得禮堂了...佢就即刻派果d卷我地做~做完之後,佢係度講暑作答案,有點兒想訓教!!~跟住就上去2樓英文啦...等左個miｓｓ勁耐,我地6個就係度係咁拎ｇaｐ仲ｄ口頭禪串對方啦．．勁好笑呀！！跟住，個ｍiｓs黎左啦,係miｓs 鄧呀....跟住就係度做暑作啦~做完之後又要上數學啦,做果d選擇題~做哂之後佢就解答下d答案後就走得了~果陣係1２點到啦..就５個去左啟豐食野．．ｇaｐ無去∼一去到，就去左買杯野飲先，跟住就搵阿媽啦．．佢話今日買電腦啵．．真好！！又多一部擺係房了！！跟住揀左一陣咁啦．．＄4ｘxｘ∼之後搞掂哂就去返「鋪頭仔」搵佢地食野．．去到張枱無位，就係咁逼埋去∼坐係ｂｂ＆咸蛋之間，叫左碟腸粉∼食食下，我側面果兩位係咁噴口水，之後就即刻轉枱∼轉左枱無幾耐，佢地幾個又坐過來∼真係吹哂脹！！！！！！！！！！！！！

　　　　　　１點到啦，就行返去∼又要返去[[補課]]了，返到學校，好似好多人返齊去咁∼其實ｂｂ佢地好似唔係幾想返咁，我地就玩下遲到∼吳ｓiｒ話今次返去係要補返之前未教的第１4課．．係統計學來的∼係咁教「頻數」果ｄ咁啦∼之後到左尾段到，就係咁畫下畫∼幾正嫁∼跟住就放得學啦∼係課室門口同丫芝佢地玩下．．跟住就走啦∼去到部飲品機到買野飲啦，跟住去到門口，咸蛋就俾阿伯程捉啦∼話佢Ｄ頭髮唔得，就入左去校務處唔知做乜！等左一陣就出返黎，話記左名，要星期三之前一定要剪髮！！之後我地４個啦，傅恩走左~就去左學校出面玩<千秋>~好好笑！！到左３點到，我＆咸蛋、ＴＣ＆ＢＢ就各自走∼我＆咸蛋去左啟豐，佢買冰飲呀∼之後就去左搭Ａ7３啦∼

　　　　　　返到屋企，ＩＣＱ無人好傾，就沖涼返房聽下收音機∼聽下「好．回家」，第一首已經係{{勞斯萊斯}}，真係正！！跟住再聽聽下就無啦啦訓著左，到左７點幾就食飯∼食完之後就睇下電視咁啦，跟住就入房執野啦！清理下Ｄ袋咁啦∼途中咸蛋ＩＣＱ叫我篤波，就去左篤∼好多人呀！！不過去到果到係俾人搶分．．．．．．

              今朝,９點到啦∼起左身，食埋個提子包∼好味呀！之後就出左去啦，首先就去左銀座間圖書館度還左細佬果兩部書先．．之後就衝去戲院到∼ＦD等緊．．一去到佢地就買緊飛啦∼之後淨係見到最前果一行咋∼咁就好無奈咁買左飛了∼去睇朱古力獎門人啦，入場前，見到有張[海布]，卡通黎的，好似幾好睇咁，又係添布頓O既戲∼入到場啦，又做""哈利波特""個預告啦∼睇左好多次了！！坐係前排．．勁辛苦，個頭要向上抬先睇到∼一路睇，覺得套戲幾「童話」化先，又覺得Ｊ.ＤEＰP個樣好怪~到差不多最尾，覺得套戲勁有教育意義囉．．岩哂大人陪Ｄ細路睇啦∼睇完戲之後，就去左綠茵到食野∼食左碗「瀨粉」．．跟住就返左屋企啦！！

　　　　　返到屋企，都係１點幾咋，之後就無聊走左去篤波∼一篤波，打下字咁啦∼點知俾我打到中文啵．．真正呀！！跟住，就叫咸蛋篤下咁啦，同埋珊姐∼某一局到我啦，咸蛋無啦啦{{又邀又摒}}咁．．見無癮就走左∼之後佢係咁"ＳＯＲ"，又係咁叫我入返黎，咁咪再篤多一局就走左∼跟住，就聽下歌咁啦∼再拎隻『棟篤笑雙打』黎睇下，雖然睇左好多次，但有少少部份都係咁好笑的！！睇唔夠一半啦，就要換衫執野∼

　　　　　４點到，就出左門口∼搭車去兆西等咸蛋∼又是去【楊小坑】踢波的∼跟住就搭埋５０5去．．上到去∼好似無乜熟人∼原來係我地早左姐．．跟住ＨＥA左陣就落得場啦....咸蛋第一場就要做龍門~~跟住係咁踢啦...到最尾果兩、三場到啦~打前面....好多波射呀~但無力...~踢踢踢，踢到７點半就落返去７仔買下野食咁啦∼跟住就搭返ＫＣＲ返屋企了．．坐輕鐵途中，我地係咁煩林曉峰老婆個名．．煩左勁耐都係唔知的！！

　　　　　歸到家中．．留左飯啦∼阿爺俾左成碟〈叉燒〉我．．真係好食∼可能肚餓關係啦！！跟住就睇下電視咁啦．．到左１0點到就做下數學．．聽日又要返學啦∼真煩！！