今日，好早起左身啦，預備好哂ｄ野就ｃaｌl咸蛋∼佢都係剛起身∼約左佢１0點在西鐵站等的！去左Ｋ5１到等佢，佢遲左兩個字！之後就搭輕鐵落蝴蝶邨會ＴＣ＆ＢＢ！！跟住就去左「榮記」食野啦．．叫左ＴＣ＆ＢＢ上埋黎∼佢地黎左啦，ＢＢ剪左髮，佢以為咸蛋笑佢個頭∼就係咁串咸蛋！！食完野出埋商場，重串緊！∼我同ＴＣ就好無奈咁企埋一二邊吹水！跟住去左[７仔]買飛．．點知賣哂！跟住就行過去搭９6２啦，途中，ＢＢ＆咸蛋又係度串啦．．兩個互響對方全朵．．成街都聽到！我同ＴＣ亦扮唔識佢地！跟住，上左車啦∼我地３個上哂去坐啦，差ＢＢ∼佢無啦啦打俾我，佢話無散紙入錢，跟住咸蛋就落左去幫佢∼係車上面，我同咸蛋一路吹水啦∼ＴＣ＆ＢＢ就係前面打機＆睡覺∼跟住，以為要落車，就落左去下層先，點知重有好多個站，搞到要係樓下呆企！跟住，唔知邊個無啦啦唱{SOLAR}果首「海嘯」O既[[如海嘯、如山崩]]~係咁唱.....

　　　　落左車之後，就去ＯＫ買飛，再買野飲∼之後就行過去會展啦，途中，又係咁唱果句野．．．去到會展門口，今年唔洗排隊入去呀∼一入到去，就決定分開行，因為太迫啦！∼我就同咸蛋一齊行啦！開頭就同佢睇下人地打機∼技術唔錯呀．．．跟住就去精品見到隻野想買嫁，不過好似貴過頭∼無買！之後見到Ｄ人『COSPLAY』啦~咸蛋就係咁影相~接住就去左ＣO-ＣO個COUNTER睇下有無咩漫畫買,之後我就即刻買左本[[狐忍．秘傳]]呀！$５0∼之後，咸蛋想買幾本恐怖漫，但要１8歲先買得，搞到佢好無奈！∼之後就去左好多漫畫O既地方排隊，排好耐，咸蛋好似唔係好想排．．佢話好想買果幾本漫，跟住就幫佢諗諗辦法！之後兩輪之後就入得去啦∼入到去好多漫畫，{{玉皇朝}}、{{正文社}}、{{天下}}．．．想買頭文字Ｄ第５、第６嫁．．但好似搵唔到∼之後再行多陣就出返去了！∼

           去返CO-CO果個counter,買返果幾本漫啦~我地就搵左個阿姨幫手∼買到！咸蛋豁然開朗．．跟住就去左玉皇朝counter．．今次要排半粒鐘，企到腳到軟∼咸蛋就睇佢ｄ漫啦∼終於入到去啦．．但無心水呀！上年買左本[[鋼鍊．外傳]]！之後出返去，去左買野飲啦∼咸蛋佢買左杯檸茶飲∼之後就去左睇人ｃｓ比賽啦∼睇完之後再行多轉，去左ｄ攤擋仔睇下野＆買下野咁啦∼咸蛋就無啦啦買左兩件白ｔeｅ．．之後再行前點兒∼就見到「ＭＩＧＡ」個擋仔到∼Ｄ野勁便！我就買左個袋仔啦．．＄3０咋！跟住係隔離擋野睇下Ｄ人物擺設啦．．有好多屋企都有∼之後咸蛋見到┌曼聯┐O既野！∼佢買左個吉祥物＆垃圾桶∼我又見到本〈死亡筆記+++鍊〉~就買左啦~跟住打俾TC叫佢一齊走,佢話行多陣先喎...咁我地就走先啦!!!!!

　　　　出左會展．．就同咸蛋去左搭天星小輪出返尖沙咀∼個頭好痛呀！∼去到之後，就去左海港城啦．．行到好入∼去左‘玩具反斗城’！！入到去，想搵下把光劍嫁．．一路搵啦，一路同咸蛋講笑∼之後搵到啦，個人好興奮∼正想買之際，見到個價錢牌係$１1０0．．成個人墮落哂！！出左去‘玩具反斗城’之後∼去左ＫFＣ食野啦，一路食就係度吹下水咁樣啦∼到左５點到∼就去左搭地鐵落旺角搭巴士歸家去∼跟住，到左目的地，就幫咸蛋搵車搭，問下路人，俾人點紅點綠∼∼最終都搵到．．跟住就同我啦∼我個頭又痛．．隻腳又痛，係旺角周圍搵車搭∼行黎行去∼搵左好耐先上到車∼果陣已經６點了！∼！上到車，訓左一陣，又發左呆！∼咁７點幾就返到屋企！！

          今日，一早就出左去〔南浪〕打波啦，街場黎嫁∼但打打下落雨，勁無feel，落左好幾日嫁啦！！之後就去左{ＯＫ}買左支『屈臣氏』黎飲，正！跟住就上阿媽個ＦＤ屋企食飯，好多人呀！！！食完再ＨＥＡ多陣後，就去左友愛體育館到「排球比賽」第二場就係我地打，我落左場打一陣咁啦，大家都好落力，但最後都係輸左！不過都算高分嫁啦，打完之後∼阿爸＆阿媽仍在該處睇比賽，我就自己一個行去搭７5１返屋企∼係車度訓左好耐下．．

　　　　返到屋企啦，三姑姐係度∼佢俾左Ｄ相我睇，佢\又叫我幫佢\部手機整下鈴聲，結果係失敗！跟住佢就走左啦，我就對住部腦唔知想點！之後就走左去沖涼，再入房開收音機，又一路聽一路訓！！訓到７點幾８點∼就開飯啦，阿爸＆阿媽出左去食、細妹又去左姑姐到過夜．．．搞到得４個食飯！食完之後就睇下電視咁啦，夜少少做「侏羅紀公園」，睇過Ｎ咁多次啦∼不過無聊得濟先睇~賣廣告果陣,『OC』賣得好恆呀!!!搞到我都想睇~到左１1點到啦，同咸蛋傾電話，係咁傾Ｄ好笑野∼準備聽日＆休息！！