今朝好早起身啦，之後就出左去土瓜灣∼到左1２點幾到啦...阿爸細佬妹就係果度食飯~阿媽就去探阿婆..我就自己搭車返屋企啦~搵6ｃ個站搵左一陣，之後再等多一陣就有車了∼跟住就係{雅蘭}到落，再行去２６5B個站等車~等o既途中係咁落雨,d水係咁滴....等左架車勁耐囉~都唔知發生咩事...等左半粒鐘呀!!好多人都唔耐煩去第二度搭~跟住就上車了...係車上面到訓左陣~跟住就返到屋企,無人~阿爺阿女麻落左去同姑姐飲茶,我入廁所見到全廁所都有[[蟻]]呀!!勁無奈囉...踩死左好幾隻~咁我就係屋企聽下歌咁啦~跟住就執野換衫...姑姐佢地就上左黎坐~唉...姑姐佢地就幫我地整下d[[蟻]]~我就出左去踢波啦~~

              搭車去到兆西啦...咸蛋又無帶電話~!!之後落左車,以為我好遲添~點知佢地同我一樣~黃西＆佢細佬都黎埋啦..本身想去<楊小坑>踢~不過見落雨就去左細場到踢啦~入到去,有3個人係度踢，我地射左幾球波，就同佢地鬥波∼係咁入波呀．．超好玩囉∼跟住果幾個男仔就走左啦，我地就去左７仔買野飲∼買左支【藍色百事】飲，第一次飲咋∼同普通汽水無乜分別！！買完野飲之後再去返果度踢啦，我地就玩２鬥２啦∼我同咸蛋一隊先，俾黃西佢地掃∼跟住我就同黃西佢一隊，玩ｏｎｅｔｗｏ∼超正，入左好多波∼之後《最後一球》啦，我地兩個又入∼佢地兩個就話再黎《最後一球》∼都係俾我地入，1０球最後一球都係我地入-3-~跟住再去買野食&野飲~我買左串魚蛋同包朱奶飲~跟住就去搭5０5啦..黃西個細佬話去搭K５8,我地就同佢鬥快啦~今日根本就無K５8~跟住佢地係兆康搭K５1歸家~我就追架7５1~

             返到屋企,聽下歌~同表哥Q左陣，幾好笑∼之後再睇下電視咁啦．．半夜去廁所重見到有[[蟻]]~就叫醒阿爸用迪露!!!!!!!!!!!!!!!!

              今朝,咸蛋話７點打電話黎∼可能落雨啦..唔游水所以無打黎~尋晚無較鬧鐘...10點先起身!!一起身，就打返尋日篇日記先...好難諗返d野~途中又係度食粥,早餐好耐都未食粥啦!!搞掂哂ｄ野就已經１2點幾！∼跟住係間房到．．整好哂ｄ程式啦∼之後又聽下歌，篤下波∼搵返ａvｒiｌ　ｄ mv啦...{{ＮOＢOＤY's ＨOME}}真係好好聽!!~之後又錄下音咁啦~下3點幾果陣,阿媽煮左個[烏冬]俾我食....正呀~跟住再玩多陣腦,到左5點幾就去左訓~訓到6點幾就起身沖涼~沖完之後繼續玩腦~跟住阿爸打返黎話佢地返緊嚕...原本係全家落家食~點知佢地趕唔切~所以最後係在屋企食~睇完「一叮」後~就落去買果條１x米長o既[寬頻線]~去到間鋪,賣成＄100呀!!唔夠錢....!返番屋企~HＥA左陣,阿爸、細妹&阿爺就由中山返番黎啦...買左好多野~之後就食飯啦,傾下中山有咩玩~到左9點幾,就去第二間鋪頭買果條線~$７0咋..便過剛才果間,又長過佢~跟住返到屋企,就叫阿爸將條線貼牆行~之後駁好哂D線啦...都搞左好耐~途中睇下港姐咁啦~之後又睇下非常小特務!~!再整好D程式~屋企兩部機上到網了~真係好!!!

今日重係落緊雨....唔知幾時停呢?!

He Was a Boy!!   She Was a Girl