尋晚,4點幾到無啦啦醒左,隻左眼開唔到,閉著雙眼,隻左眼就流左d淚水咁啦~咁就去左廁所洗下個面,就再訓過~到左6點幾就起身,梳洗+換衫+食早餐後,就落街搭車了~架車去到富泰啦..咸蛋就坐左係隔離啦,阿芝&玉琪就坐左係前面,一路傾下傾咁,幾好笑o既~咸蛋就拎塊番長章出黎sｈow下咁...跟住落左車就繼續傾下企咁~返到學校,就擺好哂d野,去搞掂埋個lｏcker,跟住吹多陣水就落去早會~成日落去都好似好遲咁...今日珊姐無啦啦企左係前面,阿恆唔知點解好嚇咁~跟住又聽下訓話&宣佈咁,跟住就上返課室~

              晨讀,同mｅlody換左本野睇,叫【難為了班長】,都算係好睇嫁啦~跟住就到{DＴ}啦..又坐係MＥLODY對面,真係有DD無奈~跟住阿SＩR係度講解下咁啦,跟住又派圖畫,畫「透視圖」,都有少少難度,就問下逸少咁啦~跟住畫畫畫,３堂就咁過哂,真係唔錯!~跟住上返課室,係{中文閱讀堂}...睇書~跟住就到{英文堂}了...講答案→講下文法→俾功課,唔知點解硬係要訓...好在俾隔離位叫醒左,佢話:「喂~你又訓呀?!」~

             跟住就LＵNCH了,等左好耐,有點兒肚餓呢~跟住就行去兆禧果到食啦,食腸粉~食到好飽好飽呀...跟住行返番去果陣,見到<<伯程副校>>~跟住佢就捉住咸蛋,話佢d頭髮長啦,行左一段路,途中bｂ就影佢相,咸蛋就返黎,佢就好大聲咁話:『你影我相呀?!』..跟住<副校>又捉住bｂ問:「你帶左電話返黎影相呀??」~跟住又係捉左一段路,幾好笑~返到去就到{ＩH}堂了,講世界o既東西咁啦~唔錯o既兩堂囉~放左學之後,咸蛋就無啦啦走左...咁我就去左圖書館做返D功課&睇下書咁啦,做完之後就同阿君＆莉娜搭A７3返屋企咁啦~返到屋企就即刻做埋份數學佢,跟住再玩下腦咁啦~睇下電視~

             今日返到學校...如常地在課室吹水,如常地落禮堂早會啦~之後上到黎,班務完後,就中三第一次的晨讀啦~同阿君交換左本[愛情小說],一開頭係唔錯的,不過唔知點解到左尾pａrt就睡了...跟住第一堂就係{中文堂}啦,ｍiss黃呀,續返尋日篇課文,【爸爸的花兒落了】...跟住又係叫d人朗讀咁樣,再討論,之後又教新一課書啦~小息完後,就到左{數學堂}了~又是俾數我地諗...一開頭都明嫁,但係佢俾最尾果條數都係有少少唔明~落堂前就俾左功課咁啦...跟住小息後就係{{IＨ}}了...MＩSS 溫教呀~第一次有佢o既堂..佢教得幾好呀~起碼唔會搞到眼訓...跟住就教下世界野咁啦~教''地圖''...真係正！聽日都有佢堂,好好好！

             落左堂就食飯...本同傅Ｙ&咸蛋一齊落去，想叫咸蛋等埋ＢB&ＴC先行,點知佢又唔等..咁佢地兩個就同埋GＡP仲去左<大排檔>食...我、BＢ＆TＣ就去左美樂「隊撻」,買左『3撻兩包』,再買左支[藍力],「{{全部野夾埋唔過＄8,I LＯVEN IT}}」~就係美樂某個遊樂場到食..一路食一路玩~跟住就返番去學校啦...係課室裡頭做下數學功課~D人就話訓導可能會{ＣHECK手機},個個就收埋啦...一D就收係LＯＣＫＥＲ；一D就收係暗格,我就收左係袋O既暗格啦~跟住打鐘...就上{英文堂},教課文...去到中段就訓下咁樣,好悶呀~等到放學...咸蛋就去左開活動番長個會~咁我就落左去籃球場等佢,想射下波~點知佢就落左黎啦,之後就執野,射多一球咁~最尾個球入左..唔錯~跟住就同咸蛋、瑞、聰一齊行過去搭車~等等下就同埋李嘉健一齊咁,係個車站到講下笑~

            上到車就吹下水~跟住有對情侶啦...個女成日訓係個男到~李嘉健就係咁暗串佢地..超好笑~跟住我地隔離有條迦密友訓左,咸蛋就影相偷拍佢個睡款~好笑呀...跟住咸蛋&瑞就係富泰落車~跟住返到屋企...就做功課玩下腦咁啦~無睇{{酒店風雲}}第三PＡRT..訓著左呀!!今集D劇情都幾慘下...~