今日,1２點幾就出去<ＧREEN ＢOX>啦~去到西鐵站,出到K５2個站到就見到莉娜~就一齊行過去~之後,就係門口JＯIN埋阿YING~三個去拎房先~間房都算唔錯了...跟住我就一路唱歌一路等阿君＆MELODY~唱左三首到咁啦..佢地就黎到~之後就點野食咁樣樣~一路唱一路講下笑咁啦...MELODY個燈籠成日都整到我~有D歌,我俾人迫住唱..唔唱唔得~現在唱D高音歌開始走音了...跟住MELODY＆莉娜到左中段就HIGH起上黎了~係咁嗌...幾興奮的！今日只係唱到周國賢兩首歌咋...真係勁！到左3點到就走左啦,5個就去左{市中心}~

             去左貼紙相鋪..但見多人就走左~跟住就去左許留山到食糖水...係咁同MELODY{嘈}-3-~食完就去左睇下首飾咁啦~之後就上左去睇下衫,再落返黎去商務書局,阿YING話要買返本{{半島鐵盒}}...跟住就搵搵搵,搵左勁耐~都係搵唔到的~要出到去元朗~出左商務,幾個話想去錦華第一層..有好多鏡的~去到之後,D鏡俾人折哂..個個都無奈哂~跟住見到間碟鋪係度播「頭文字D」,就睇左陣啦~之後佢地又自拍下咁啦~跟住就上去,去貼紙相鋪,睇下重多唔多人~去到豐澤門口,有好大部TV係度播無與倫比,『藉口』..唱完之後佢地幾個係度拍手掌~之後去到貼紙相鋪,就影啦~第一部D POST都好似唔係咁好囉~跟住就去美肌果部,影左n次了~影完之後就畫啦,影得唔錯的,有一張我俾人畫到成身都係{{花}}囉‥‥‥‥‥‥影完之後就走了~咁就搭A７3走人~等左架車勁耐呀！重要係單層添,係車上面就訓左好耐,冷氣又{凍}喎~

             返到屋企,就即刻沖涼,沖完涼就開腦~跟住就飲下我至愛o既湯-----"節瓜湯"~跟住就食飯啦..食完飯就搵下歌聽咁啦~

             今日...咸蛋係咁打黎,問完一、兩個問題就''CUT左線''啦~我打俾佢就想''CUT線''咁款~都唔知佢想點呀~成日『係咁先係咁先』~ 唔知點解今晚個心情變得好沉重‥．係咁先~

佢地四個並排行...我就好無奈咁行後~

            今日返到學校,如常地利用空餘時間來吹水~跟住就落去早會...上返黎就收埋功課之類,跟住就到晨讀啦~今日終於無訓過了..本書太好睇,【超文明xx世界】,想睇好耐,之前有本【時光隧道】都唔錯~跟住就落去MMLC上{電腦堂}了~阿鮑魚強在介紹下內聯網D野...我就玩下[[踩地雷]]咁啦~跟住佢叩我地上某網睇下野&做咩練習題~做果D練習題時,係咁亂做~跟住見悶,就玩下其他野咁啦~我見到好多人都上緊日記或其他網...咸蛋就睇下D鬼故事＆鬼相,跟住佢一路睇就一時係到「喊驚」...有D真係好核突,有D就當然恐怖啦~跟住禮哥見到佢上鬼網,就玩同步,兩條友仔係咁上果個網睇野~又俾人玩﹝夾攻﹞了..好彩有JOE擋住~兩堂就係咁過,真正！

           跟住就到{中史堂}...有點兒悶啦~跟住就到{英語堂}...有個ＳIR帶左我地落去某活動室,跟住就自己分組坐低左~TC&傅恩佢地係咁玩[鍊金術]．．．跟住就聽下阿SＩR講解~我都唔知發生咩事咁,淨係知道要讀返段野俾寫果個抄返~咸蛋做寫果個啦~到左最尾係我地果組係WINNER..............跟住小息完後,就上去化學室上{化學}~就教果D英文生字,佢話要默書喎~好多默書呀!!!途中..傅恩就係咁插枝筆落去個水喉到-3-~跟住就係咁掉D野落去個水盤到,搞到D野濕哂~最尾重俾阿ＳIR話左一兩句,超好笑~出到化學室,傅恩拎住咸蛋舊擦膠,想由五樓掉落四樓,掉到落四樓,舊擦膠彈下彈下彈到落最底果層...咸蛋就係咁無擦膠用~之後就到中三第一堂O既{佛學}...係何ＳIR教,就俾錢買佛學書&作業啦~之後就上堂了...講講講,阿SＩR講野好好笑~由其是D語氣..哈~跟住好快咁落堂~

           ＬUNCH去左{大排擋}食~逸少都同我地幾個一齊食~好耐未食過意粉了..就叫左個啦~之後BＢ佢想拎張單睇時,不小心.......整跌左枝<醋>,倒瀉哂..逸少超快速咁閃開~之後就好快聞到D"臭酸味",就即刻調枱~跟住一路食一路吹下水咁啦~食完之後就去左OＫ,BＢ就買雪糕,我地就見到阿MＩNG佢地三個就吹下水~阿MＩNG見到BＢ就兜野打埋去...打到杯雪糕,跌左落地下...超好笑~跟住BＢ就去買過杯咁啦~之後見到部鉗公仔機,鉗D麻雀,一鉗就鉗左四筒~跟住佢地就拎舊野返去當波咁踢~

           跟住就上兩堂{生物堂}...係趙ＳIR~編好哂D位咁啦~就係度講規則...好悶好悶咁囉~途中,『我個筆袋成日都唔小心跌左落地下』...跟住MELODY係咁訓覺~佢訓到就黎跌咁濟...好笑~到左差唔多尾段就開始入正題~就派D NOTES咁樣啦~跟住就放學了~超輕鬆囉...跟住就咩《ＳIX ＰARTY》~6條友係度吹水~到左4點幾到就同咸蛋搭A７3返去...上車見到阿君就一齊吹下水咁啦~返到屋企,就玩下腦,整好個日記,插幾個閃字上去~有DEATH NOTE＆NOBODY"s HOME~幾好的~

BＢ果杯雪糕...係香芋來的~影到好似係淺藍色咁！