今朝早,晨咁早起左身~唔知做乜好,就聽下歌咁啦...~到左1點到就出左去市中心搵阿康,跟住就過去[凱都]...今日約左阿康、阿盈、莉娜、skp＆蛇乸睇"童夢奇緣"呀~去左許留山先..坐低左就叫左碗野~食完之後就過去戲院..買埋爆谷就入得場了...等左好耐先開場,阿盈&莉娜係度{狂呼}-3-~睇睇睇,個故事幾好,好觸動人心..好多人都喊左~完場果陣係4點幾啦~出左戲院門口,行行下,見到"童夢奇緣"裡頭果個男主角仔...又同佢影相咁啦~打後決定同阿康落去蝶翎打波...就搭44B落去~

            落左車,就去左m記先,食左個big mc~跟住就去7仔果個場到,行到過去就見到波波、三文治&肥權~跟住就射下波咁啦,有個阿叔d後手準爆...之後全全打黎叫我同阿康過去接佢過黎喎,咁就行到過啟豐搵佢啦~返番黎,再射多陣波,就鬥波了,打全場呀~一開波就好大壓力,因為唔記得哂d攻勢...打左好耐好耐,跑黎跑去,累到爆呀~到左6點幾到就去7仔買埋野飲就同波波一齊走人了~

            返到屋企,表姐&表姐夫黎左呀~佢地幫我地屋企整緊上唔到網果部機...跟住就食飯~食完飯之後係重整緊的...又打去netvigator問啦,咁就叫我地兩部機o既[cable線]都要插係同一個[數據機]到...之後有個問題出左黎,就係我連到線,出面部機會連唔到;相反,出面部機連唔到線,我部機會連唔到...跟住我就好無奈!!!到左12:58分...好彩有SKP提我做每日一篇姐...唔該哂~~

 哈...佢肯俾我地影呀~

             今朝早會,聽張sir講祖國歷史...聽左好多次咁了~跟住就落左去[升旗]啦...望住支唔識飄o既旗升起,都幾無聊嫁~跟住上到班房,就係度溫下書咁啦~跟住毛朱係度講故仔..唉!!~{電腦}x2,佢教我地點用果個輯寫,就係咁寫書法~跟住到左{中史},悶到爆呀,又訓著左..我諗{中史}差硬!!~跟住到{英語堂}啦...悶到嘔~{化學},默書呀...溫左好耐嫁啦~最後都好似錯左一個符號>3<! {佛學}了...好彩有呢堂點綴下姐~阿sir係咁扮個天龍俠點樣『「淆彎左」』,跟住講講下又有''咸濕白雪公主''...''淫淫賤賤灰姑娘'',笑爆咀囉!!~lunch就去左海運食...居然飽到~返去途中就同""兩條康""吹水~返到課室就係咁溫野...~之後{生物+生物}...一黎就默書囉,好彩唔洗默埋中文姐~好似又係錯左一個字...之後就教書啦,係咁填野,聽下阿SIR講野~