今朝,差d趕唔切落街搭車呀~係車上面,我前面有條{屯官友}拎部w800i出黎係咁聽歌,勁串咀~去到富泰,咸蛋坐左隔離,跟住好多人都啤住果條{屯官友},佢就即刻收埋部機~返到學校啦,搞掂本[[WB]],跟住就到早會啦~校長就講訓話,係度咩「英文諺語」喎...跟住有獎頒,見到gap仲上台,個個都好奇怪點解佢會有獎拎...點知佢原來係幫人拎獎的,我地就係咁笑~上到班房,收功課&晨讀咁啦~跟住到{{中文堂}}了...一黎就話要說話了,我都唔知同邊個一組呀~跟住就見到人地出去都演得幾ok咁啦~跟住bb就&gap仲出左去做先,之後咸蛋就話想出去,咁就同我、傅恩&TC一組了...排都未排,出去執生-3-~我要扮那位被車high到的人...跟住咸蛋就扮架車~開始了...我以為咸蛋會<<輕輕力>>撞我一下咁啦,咁我就<<懶洋洋>>咁企左係度,點知佢兜野「轟」一聲撞過黎,撞到我地到最埋果個櫃到,撞到自己背脊...超痛~跟住就死忍..繼續做埋落去先~4條友就爆吐啦...!!~

            上完兩堂中文後,就到左{{數學堂}}了~tc同傅恩就玩調位咁啦,同tc講下笑~一開波阿SIR就俾左一條好長&好似好難o既數俾我地計,跟住我就計計計,都幾易下,好快就計完了~之後聽埋阿SIR講解返題數就一堂了..之後佢再俾多條好地計~又係好快就咁計完啦..再講解就打鐘了...「兩堂計兩題數」!!~跟住就到{{IH}}了...點都唔會覺得悶的一堂>3<~講下世界經濟果D野咁啦...都明明地~LUNCH..去左[[大排檔]]食...叫左碟炒麵&五花茶飲咋~跟住佢地幾個食完唔夠再叫多碟腸粉&炸兩~食緊果陣,BB係咁扮自由高達講野...勁似+勁煩~食完之後就去左OK買野飲,買左罐忌溝奶飲...之後就同YUKI佢地玩左陣咁啦~BB&TC買左盒鋼鍊野..有擦膠&糖糖送~之後返到學校,就去搵PACTKIC,佢話今日要睇頭髮~搵到佢,整左幾秒就走得嚕~跟住就上返去搵BB、咸蛋、TC&傅恩啦~佢地話想玩下遲到的滋味,就躲在廁所中...之後重拖埋阿康一齊玩埋~跟住打鐘了..再等多陣就返去班房,點知毛朱就同我地一齊到步到課室門口~又咁好死俾我地入去....差點兒就成功!!~之後{{英文}}x2呀...就對作業啦~跟住就講書,MELODY就話屈姐係『毛朱二世』......傅恩就係度研究,搞到上唔到堂聽書,超好笑~

            放學了...係課室到HEA左陣就去踢波啦~傅恩就唔黎,因為佢要返BAND&去飲呀~跟住TC話同我地踢,不過踢一陣,因為又要出[[市中心]]~!之後上BB's屋企啦..咸蛋就換衫咁啦,我就等下佢地!~之後BB話帶埋碌炮落去玩喎...上到天台啦..就想踢波啦~點知BB係咁射人喎..搞到濕左少少啦~過左一陣到啦..莉娜、MELODY、SKP&蛇LA就上埋黎~佢地幾個上到黎就係度食野..都幾頂癮~MELODY過多一陣就走左,好似去左學琴~跟住我地就繼續玩下咁啦,佢地又幫我買埋野飲~佢地買野上黎果陣我地就鬥左陣波~之後佢地上返黎啦...就開始用支野係咁射人,我有時都好無辜咁俾人射左N野...跟住有時失魂得濟係咁撞落條柱到..勁痛,好似撞左兩次呀!!~我又成日唔小心{{省}}到人~跟住BB係咁俾SKP佢地射,重要用冰水,之後GAP仲都俾人射埋一份~我都俾人射左幾野,凍到痴肺~玩到勁喪呀!~5點幾到啦,TC就走左嚕~跟住繼續玩下咁啦..之後蛇LA都要走呀..SKP&莉娜就送佢地走,佢地又接埋MELODY上黎~GAP仲都好係果段時間走~

           咁我、咸蛋&BB就繼續踢下咁啦,【三角短傳】啦...生硬得很呀!~之後又玩下射龍啦..幾好玩~之後佢地三個上返黎啦...就係度唱歌,又用唔知咩口腔唱好多歌-O-!!~我地就玩下ONE TWO~到左7點到就走左嚕...BB就上返屋企啦,咸蛋就諗住搭的士,SKP&MELODY就送莉娜去搭車..5個同路~行到去近住天橋果個位,我就突然見到架A73,就叫左一聲就同咸蛋即刻跑去個站到上車~上到車,就吹下水咁啦,覺得今日都幾好運,起碼趕到車~咸蛋落左車之後我就訓著左...之後我醒返之後,見到成架車黑哂..原來已經過左總站..果陣係在翠湖..重有兩個站就出返屯門~之後個司機問我住邊,我就答佢啦,答完佢之後以為佢會車返我返去,點知佢就開門話:「收工啦,行返去啦」~跟住我就好ON居咁行行行...好彩擺低我在輕鐵站附近..搭左751~返到屋企就勁累啦...返到黎就食飯,睇埋{{酒店風雲}}呀~D劇情正爆！

  哈...型爆~!!!

           今日搭A73...因為唔想咁早返到去~跟住就一路聽歌一路溫書&睡覺咁啦~到左富泰,得咸蛋上車姐~跟住架車開...FEEL到勁熱,成架車D冷氣都無開呀~捱左20分鐘...焗死,途中聽左好多次[不良嗜好]~跟住返到去啦,有3條友仔拎左我份數學去抄...跟住我又做返未做果幾題~早會了...聽霍SIR{吐}英文~跟住上返班房,收埋功課就晨讀~之後就到兩堂{中文堂}了...MISS要我地作文~跟住我支塗改液跌到勁遠呀~係咁對住篇文度黎度去,D靈感都幾難得到,晨早流流-3-~小息果陣,就做返[數學作業]啦~

           跟住就到{數學堂+數學堂}了~阿SIR叫人出黎做數咁啦,搞足兩堂咁濟~小息果陣啦,就睇下傅Y畫個賽道~跟住睇睇下,BB無啦啦拎支<塗改液>隊過黎,跟住BB就篤串左枝<塗改液>,跟住係咁對住個垃圾筒{{射}}...之後{{咇}}哂之後就想拎條鐵出黎,就叫人剪開支野去,傅Y就請英,佢成個''拆彈專家''咁,又要驚又要剪~跟住拎度舊鐵出黎~咸蛋就拎左逸少舊擦膠係咁掉過來~之後就到{音樂堂}了...寫下野+吹笛咋~之後就到{化學}了...係返課室到上,派返本野對返D答案咁啦~跟住係默書前,阿SIR俾我溫多一陣就開始了~阿SIR講D生字出黎超好笑,又讀得快同多~默完之後就派新一份NOTES,講下{{化學係乜黎}}~之前睇書都睇過下咁了~

           LUNCH果陣,就話去兆禧食啦~我去左廁所,佢地4個又唔等人,搞到又要去追返佢地,之後一路行,佢地4個就係度玩黎玩去,我就好無聊+無奈咁行~食食食,飲飲飲~跟住返番去啦...溫下英文默書咁~跟住毛朱上左黎啦...等左10分鐘之後就到左{英文堂}x2...以為佢默書先,點知要落去MMLC做果個咩「能力評估o既東西」~睇左篇野就答返D答案,有兩、三題撞~之後就上返課室,個個喘哂氣咁,MISS就俾我地休息幾分鐘~之後就默書了,默默默,默完之後發覺好似有兩個生字錯鬼左~之後MISS無啦啦話有無教到某果頁,我就話好似無~跟住過左幾秒到啦,MISS"眼甘甘"咁BEAR到實一實..之後同佢解釋返之後就無聲出-3-~之後繼續教書,果陣重有5分鐘就放學,佢就寫左句句子出黎講,句句子裡面的第一句有JUDY,當時已經感到無奈...跟住第二句就彈左個MARY出黎,跟住就俾隔離那幾位勁笑...我就勁無奈~

           放學,好多人去哂[[數學精英班]]~之後本身想走的,跟住見到BB&咸蛋俾MELODY、莉娜&蛇LA搞,跟住BB&咸蛋就係咁掉野,雙方互相對掉,見玩得咁興奮就留左係度玩~重有我、TC&傅Y!!~又捉又掉...又係咁畫人地D衫,『粉筆,粉擦、水樽、笛子、筆筒、釘書機』等等等等等....係咁掉黎掉去,超好玩囉~跟住BB成日將D笛子放到最高處...又放係{{風扇}}到-3-~跟住TC同傅Y又劈野..TC揸笛...傅Y揸住卷野,劈劈下,傅Y枝野變得{{又長又軟}},之後TC就乘機追住傅Y係咁打,傅Y就拖住枝野係咁{{走}},勁好笑~玩玩玩,班女仔就係度唱歌~BB&傅Y就係度鬥,〈鍊金術〉,我見悶就去左做【鍊金術特別效果】,超型呀~到左5點到啦,就走左嚕,TC&BB就去LOCKER拎返書包,跟住唔知邊個拎左TC個書包,係咁掉,係咁掉落樓梯~跟住又ONE TWO,我成日都接唔到,因為超重呀~跟住我掛住左佢個書包係{{頸}}到,就係咁俾佢地[[扯]]...勁無奈~跟住就同咸蛋一齊搭A73啦,兩個姪女都一齊呀~跟住就四個係車上面玩下笑下咁啦~

          返到屋企,玩下腦咁啦~食完飯就{慶祝阿B生日},提早左一日~呢個禮拜真係多人{生日}~再夜少少有大班冰皮月餅食,第一次食,好好食~好有[[紙lem土]]feel~今天真係好好玩呀...聽日係星期五呀,真係過得快,唔錯唔錯~今天有段時間真係可以用<<告一段落>>&<<浮誇>>來形容呀~

 {{學生相}}...閃底背景~

個蛋糕細得很呀~