今朝返到學校啦...早會又聽校長講野,晨讀一樣又係睇書~之後就到{P.E}x2啦...等左好耐嚕~今日有得跑長跑...一開頭係咸蛋帶頭的,點知俾阿平&kitty追左,跟住講後少少就係我同金仔~去到尾段金仔行起路上黎,俾我追返...第4~跟住今日教[擲]鐵餅喎...用膠圈圈黎[擲]~係咁[擲]黎[擲]去,之後又跑出去執...都幾無聊嫁~小息就係咁做返中文書先啦,跟住係咁問人借野飲~到{數學},又係自修~到{中文}了..講下作業答案咁啦~之後就{reading les} x2~係咁講d閱讀評估點寫...我就訓著左,俾人拍醒返~跟住miss又係度拎下話題出黎講...~lunch就去左啟豐食...又係食q餅之類啦~跟住就去左間野睇野...佢地係度睇鋼鍊海報~返去果陣就講下"鋼鍊"...~

            返到去,HEA左陣~之後就到左{佛學}啦~一開頭就對答案,跟住就講書了~都有少少悶啦..到左尾part阿sir就講左佢細個發生過o既野..笑爆!~{英文}了...默書呀~有幾隻字都唔識呀...可惜~放學之後就落去搵吳sir交野..又搵唔到~上返班房,見到個書包乜咁,之後就好傷心咁執返d野,班友又走埋~跟住就搵返佢地啦..之後上bb屋企拎波換衫咁啦~見到天台上面有班女~gap仲又係下面等左好耐~之後就上天台啦...逸少&jacky仔都係到~上到去就玩下[接龍],玩玩下,班女仔上左黎~跟住又玩下4打4啦...無野好做~晏多少少jacky仔走左..跟住就玩下[短傳]咁啦~之後夾埋班女仔玩數字球~玩玩下...gap仲&逸少都走埋~之後繼續玩啦..第一個俾人「掉龜」o既係莉娜~之後到左第二鋪就無啦啦變左名字球..玩玩玩啦,bb就係咁俾人打,佢就大力掉走個波,掉左落melody個頭到..班女仔就扶佢過去坐,之後就落起大雨來了...

             返到屋企,沖完涼就食得飯了~之後玩左陣腦,就睇『酒店風雲』'大結局',個結局好似有少少勉強咁,不過算了吧~睇完之後成個人都好累呀,好頭痛,又忽冷忽熱喎,訓左陣再玩左陣腦又訓多次~

【其實怕被忘記 至放大來演吧】

              今日如常地搭a73啦...跟住返到學校就吹左陣水咁姐,早會果陣勁多野宣佈囉~跟住晨讀打後就到兩堂{視藝},講<創作集>d野咁~跟住就到兩堂{{物理}}...係咁「膨脹」前「膨脹」後,勁無奈囉,之後做notes&講書咁啦~跟住就到左{數學}堂了..等左勁耐老師都未黎,d人就係度玩黎玩去~跟住就有個miss上左黎,阿sir請假呀,自修,咁就畫{dt圖}啦~跟住就到左{普通話}了..唉~勁眼訓囉...唔知做咩~[[lunch]],去左m記到食,幾多人下,不過好快就搵到位了~跟住我就做霸位果個..搞到我最後先有得食~食食下,tc&傅Y係咁打黎打去啦,跟住tc又滴左一滴野落去條褲中心點,超型,勁準囉~跟住走果陣入左廁所,tc就吹乾條褲o既中央,佢一路吹,就一路幫佢gel野~跟住返到學校,就躲進男廁到,玩遲到,上次失左手了~跟住今次成功左了,遲左4分鐘,yeah!~跟住就到{中文}x2,係咁俾功課~之後又做下聆聽之類的東西咁啦~放學之後就留左係班房到做功課...做做下,佢地又話黎三英(tc=劉備,bb=張飛&咸蛋=關羽)戰我呂布喎...佢地係咁打我(隻秋隻)~跟住就係咁打黎打去,我撈住佢地隻腳通街走超好玩呀~玩玩玩,玩到尾段,班女仔都參戰,係咁打黎打去~到左5點到就走左嚕........夜晚..阿媽煮左餐正飯~之後就無心情打了.....