呢幾日心情(百感交雜)   諗左好多負面既野  搞到連最鍾意既數學都冇乜心雞上  聽極都唔明果隻  唔識又唔會好似以前咁積極去問  琴日放學果陣丫蛇叫我留低整壁報  但我一落堂靜雞雞咁由後樓梯走左  點知落到去  人影都冇隻  原來架妹留低整壁報又唔單聲  搞到我又要跑上5樓搵佢  反正都要等人咁未順便幫自己班整下壁報囉  一返到班房見倒勁多人仲起度補測  paper new叫我幫佢做喎 但我應佢:{我幫左即係等於害左你架炸  (傻仔)}<<我就係加左〝傻仔〞呢兩個字  我覺得hurt親佢 諗住想同佢say 疏  點知講本都講唔出  一整就整到6點幾先走  果陣個天黑蜢蜢有D驚  我有D驚咁未叫架妹送我返屋企囉  點知佢唔送

    今日paper  new講d野仲搞野  我話比佢聽我細佬有時會揼我架  跟住佢答我話:{乜佢唔驚天打雷劈架咩?} <<哇哈哈哈  笑屎我  佢唔知我同我細佬係玩果隻   之後我問佢做乜咁關心我  係咪驚我比佢揼瓜左冇人陪你吹水呀?哈哈  佢笑笑口咁話唔係 

    丫蛇叫我放學留底整壁報  但我唔記得左家車琴晚叫我放學歸家boil soup  so冇留底即卡孤單一個歸家  行行下先記得家車叫我幫佢拎個豬包返屋企  今次又實屎冇生  比佢鬧到狗升淋頭     諗住整好d野煲湯先之開電腦打日記  點知開左冇幾耐  低b細佬返左黎  咁就冇得打啦。