訓訓下無啦啦比人摑左兩巴  從夢中驚醒  好興:{做乜野?} 佢:(你問下你自己啦!)  如果我真係知發生咩事既話  我就唔洗問你做乜摑我兩巴啦  聰明!!!!!心諗:[快d天光起身返學  唔叫你起身  等你遲大到]

     今日好鬼早返到學校  同架妹一齊行  行到班房門口架妹拑起我條裙 搞到我尖叫 我又拑返佢  總之笑到好大聲  點知象腿話我地好嘈喎  跟住未串返佢  [關你鬼事麼  呢度又唔係你屋企] 打左鍾要早讀咯  但係〝電燈蛋〞又好似平時咁起呢個時間食早餐  黃蛇平時好聲好氣叫佢唔好食  但佢又唔聽  搞到黃蛇忍無可忍  終於鬧佢 果陣時心都涼晒 跟住我同周榮都話撐黃蛇 丫蛇發火非同少可  驚驚!黃蛇鬧左

〝電燈蛋〞一句姐嗎  佢即卡喊喎  痴線架咩  比我未最多嬲  仲要走堂添 

電燈蛋所謂既好姊妹安慰完佢就返班房幫佢拎野  徐雞彤自出自入  好似當曾蛇冇到  曾蛇問佢去邊  徐雞彤:{電燈蛋喊丫  最衰黃永基啦 整喊佢} 跟住我+周榮+雞咀串佢(咩呀!!係佢自己唔岩姐嗎  仲要懶黃蛇整喊佢)

    小息  象腿無啦啦串架妹  嘩~串得好勁秋  我拉張櫈坐起門口好似睇戲咁   我就黎坐落去果一殺那  死人小路寶拉開我張櫈  想隂我  好彩佢都唔係拉到好遠炸  如果唔係我實坐左落地啦  實瘀死  

  電腦堂  死肥佬叫我地起張紙度寫返邊個負責邊1part  佢個個嗌出去問話  但個個都好快問完架啵  得我同牛奶華好似審反咁問  原來死肥佬唔信個fash係我地做架  好彩張野順住咁寫  仲要咁岩肥佬張台有果張資料紙  肥佬最把炮一條問題係:《劉麗華住邊棟樓?》好彩我去過佢屋企姐  答完呢條  好驚佢又進一步問『咁佢住幾樓幾室?』因為唔記得左牛奶華住幾樓幾室  哈哈...  如果唔係實穿煲  我覺得牛奶華好勁秋 亂咁答咁都比佢撞中  佢扮到好振定  而我個心就卜卜跳 。 

 3