今日係歴史以黎我同丫麗係最準時既一日  因為Elong唔起度沙皮狗同丫Paul傾搵邊個睇埸  丫paul:{唔驚啦  丫麗收銀都唔錯架 丫如收銀仲勁}我:{我唔係好得架炸}  死人沙皮狗:{呢兩個係你教出黎既  你咁係讚到天上有地下無架!} 搞到丫paul興到要爆粗鬧佢  平時丫paul都唔講粗口既  沙皮狗仲搵左一個人黎睇檔  沙皮狗好賤丫 

     佢叫果女仔做(西西) 沙皮狗走左之後  果個女仔:{我叫冬冬丫  你地呢?}各自介紹自己  之後我同冬冬起度吹水  我爆比佢聽David個花名叫沙皮狗  佢問我點解  我:{乜你唔覺得佢好似隻沙皮狗咩?}佢諗左一陣就狂笑住話似  我:{你知唔知尖屎屋企唔洗交電費架?因為佢個頭咁光都唔洗開燈啦 又點會用咁多電呢!}  條友聽完我咁講之後  又狂笑  仲讚我:{嘩~妹妹真係好吹得下啵  我鍾意你呢種人  如果你係d靜果d人 我呢日都唔知點過丫  實悶死都似}

      lunch果陣  我見倒一個女仔好似我以前隔離屋果個Mayble  我狂望住佢  之後我問佢:{我呀!!你唔記得我啦?}佢:{哦~點解你會起度做野既?}最衰佢買d野落左單  如果唔係我實唔收佢錢  我仲拎多兩支野比佢  好開心咁都可以起呢度撞返佢喎  搬左屋之後我地都有6年冇見啦  

     冬冬埋數果陣  有條肥佬入:{喂~收非呀!}  冬冬:{喂咩喂  冇名比你叫呀?}肥佬:{點知你叫咩名  唔叫你喂  咁叫你咩名呀!有咩野留返拜山先講啦}  佢地鬧交差d就隻揪  最慘係我呀  我夾住佢地兩個中間  我果陣真係好驚佢地真係揪  如果佢一揪實揪埋我一份架  夾住中間喎 } 

     之後過左去unit 13同Iris講返呢件事  真係險過替頭  我:{你覺唔覺得果個肥佬好似果個KAI明星William  Hung咩?}Iris:{邊個William  Hung?}  我扮埋拍果個對白(sui 邊 sui 邊)廣告既動作比佢睇  Iris又狂笑話我扮得好似 有你起度講D野比我笑下  我都覺得冇咁攰啊!你真係好搞笑

4