今朝都唔知做乜鬼勁早起左身  食完早餐跟住又訓返  聽倒鬧鍾嚮都唔想起身  因為真係太眼訓啦  又想返工  但又好想睇返琴日果套卡通片『沙拉物語』 之後殘廢芝打黎嘈醒我   。因為要等bi lee堂妹搞到遲到  落到去大堂果陣撞倒Elong  佢:{你呢兩隻野呀  而家幾多點丫下?仲叫我地教果個新人  叫丫K}  之後我地兩條友:{如果令仔既話  就教下佢  如果係丫伯既  就老點佢做野啦  哇卡卡...}

      返到去見倒果隻丫K  原來係大龜  哎~仲以為邊個令仔添  失望  之後我同丫麗講:{佢叫丫K丫?唔係丫化  PK就有佢份 } 仲成日同丫麗玩佢  我叫P  丫麗就叫K  又成日老點佢做野  呵呵...鬼叫佢遇著我地麼 

     有個廚師勁衰丫 佢教我地滔飯果D野  話晒我地成班都係第一次做果D野  佢狂話我地做得慢  又讚自己有幾咁把炮  :{我之前做果度D夠係新人啦  人地唔洗教  都做得勁快啦  我一個打十個架}總之就狂踩我地  正一死賤哩黎架  搞到Elong好興  Elong就好似母雞挺身而出咁保護我地    而我地就係d雞仔  果條友就係隻麻鷹  果種feel好正   〝沙皮狗〞聽倒〝麻鷹〞咁自大  都好鋸佢  〝沙皮狗〞想報仇  佢叫左我出左去扮擦 台  唔制我入去幫手  目的係想做死果個〝麻鷹 〞

      麻鷹鬧新丫姐蠢  咦~超衰囉佢  話晒人地都係第一日返工  咁係唔識架啦  唔知點解  我倒瀉個飯  心諗:{今次死緊架啦  實比果隻麻鷹鬧到9面屁咯~}點知佢反而冇鬧我  仲話:{咦~丫妹  唔洗咁急既  小心d丫嗎}仲幫我掃返地下d飯   反板〝谷德昭〞無啦啦過黎同我地打招呼  哎~都唔知佢點既  一時唔一樣既  有時佢又好衰  一時又幾好人啵  但呢條友仔最尾果陣老點我同丫麗做野  最正斗既一樣野係  我今日終於學識點禁機啦  其實之前都識識地既  但唔敢去試  好驚禁錯  好kai丫  緊張到簡單既數都唔識計  呵呵  好彩〝bi lee〞起隔離磅住我炸2

      今日遲左出門口  但搭車果陣咁岩丫詩佢同一班車  連姐又話行後打會好快既  我覺得好似仲遠過前門囉  我地勁犀利遲到左半個幾鍾  搞到Elong比禿頭佬鬧 開頭Elong同丫詩落去開檔  但我同丫麗仲咪咪咪麻麻咁換衫  入去office禿頭佬仲啤住晒我地  我地落到去 

     Elong問:(你地兩個搞乜野咁遲先落黎?你知唔知岩岩林生爆晒型呀?下次你地唔好咁遲落黎啦  遲1/2個字冇所謂  但半個鍾就唔得啦)  我以為靜係我同丫麗遲落去搞到Elong比禿頭佬爆型  so問丫詩有冇比禿頭佬鬧  原來丫詩都有份  我同丫詩講:{哎~我覺得我地好衰啊!自己遲到仲連(累)埋Elong比人鬧}  請完之後  我行去第2道做野  就係呢個時侯 

       丫詩無啦啦同Elong解釋:{其實佢地兩個仲好細.....}Elong:[吓!咁我岩岩咁惡鬧佢地  咪嚇親佢地囉?]之後Elong同我地解釋返:{唔好意思呀!!岩岩咁大聲鬧你}其實應該係我地同Elong  say 疏就真  我地既遲到搞到佢比人鬧  嘩~丫詩&Elong超好好好好好好人呀  我都未見過d人會咁好架  會企起人地既立埸諗  真係好開心識倒佢地  ^.^

      丫皮&丫肥4點都放左工過黎搵我  之後我地3條友齊齊過去搵殘廢吹水  點知見倒果個鹹濕佬(沙皮狗)  我地嚇到即卡哩埋左  諗住出去后打吹住水等沙皮狗走左  先搵殘廢傾計  點知有個(康監)唔準我地出去  仲問我地出去係咪想食煙? 丫皮扮痴利根咁講:{我地刀懶囉  乜我似食煙果d人咩?}  康監:(咩刀懶呀?唔知呀  食唔食煙都冇樣睇既!)  丫皮{我話我地偷懶a....}我[你唔係想報串呀?]康監《我又唔知你叫咩名  點報串呀?》同個康監嗲完之後  我地就扮晒work hard 執野  跟住丫皮同丫肥見倒有張台有兩個袋即卡跑前去執  跟之我叫佢比個我  佢地兩個拎住個袋諗住走果陣  無啦啦有個鬼婆沖過黎say【the bags is me】 好彩我冇拎住姐  我覺得佢地兩個勁瘀皮囉  嘩~果陣佢地直頭要搵(洞娟)啦 。

         1

       琴晚返工返到好鬼攰    攰既話應該會好早訓架嗎  但又唔知點解訓唔著搞到好夜先訓  訓到2點醒左又訓唔著  哎~都唔知做乜鬼  眼光光望住個天花板等天光    因為琴日早左成半個鍾到公司  SO今日未唔洗咁早出門口囉  點知遲大到  但禿頭經理都唔知既  換完衫同丫麗+殘廢一齊落去  果個禿頭經理又跟住落  無啦啦問:{咦~果個丫詩呢?}我地話佢仲未返呀   禿頭佬話:{嘩~而家幾點呀?仲未返!!!有冇搞錯} 

      早上勁得閒  冇野做既  TEA TIME果陣仲大把人  我覺得忙果陣好過癮  D鬼佬order 野  我好快執好晒D野比佢  返呢份工都幾好丫  又可以學英文  有D鬼佬勁搞野  佢地自己學左幾句普通話OR廣東話  佢地會特登同你講  仲要講得唔正果下先搞野  又有禮貌  唔同D大陸人又串又衰 

      Elog勁好人丫  佢成日同我講:{拿~如果你地肚餓既話  隨便拎野食丫  唔好客氣  唔好虐待自己}  差唔多收工果陣  丫肥過黎搵我地  佢仲帶左我地去佢果間野參觀  我拎住d冰諗住一陣放d冰起丫肥背脊      去到大堂果陣    呀詩+呀麗  叫我上  我放左  丫肥即卡叫  搞到大堂果d人狂望住我地兩個笑  哎~丫詩返埋聽日  唔返咯~有D唔捨得佢囉!!!開頭第一次見丫詩  覺得佢份人好cool  ,好扮野果d人添!但熟絡左之後發覺 原來佢都唔會咁既人黎既  

      雖然我地唔同hall做野  但次次放工我地都會等埋大家一齊走架  又講返自己發生d野  哈哈... 6

           成班人起走廊度溫豬  溫溫下 肚痛  咁未去toilet 突然起課室傅出d拉橩聲 心諗:{唔通開考?嚇到我即卡跑返班房}原來真係開考  好彩走得快  如果唔係實死得人多咯    今日D數學都幾難下  有題4分架  本身已經諗到點做架啦  但做做下孑又覺得好似唔係咁做  so擦左  臨最尾諗諗下又覺得係咁做  想寫返  曾蛇就起呢個時刻:(夠鍾!!請各位同學停筆)  人地已經緊張架嗎 D miss/丫蛇好鬼鍾意起最後5分鍾話:{仲靜返5分鍾} <<冇心臟病都比佢嚇到有啦  不過無論考到點都好啦  點都要relex下 

       放左學我地齊齊去銀行整戶口  等我排隊排得咁辛苦佢先之話我個住址証明過左期  頂~激死  丫麗聽人地講話菁衣果間整倒  so去左整  整完之後去左荃灣買褲  行左成日都買唔倒果d褲  丫皮無啦啦又話好想食(load面)  load面姨姨問:{咦~丫妹你地住邊架?我都未見過你呢間學校既校服}跟住我:{我上次都有黎過幫襯你架!}load麵姨姨:(係咩?嗯...  我冇乜印象) 佢地幾個就揀面  面我就行左去對面睇手飾  load麵姨姨突然唔見左我 就問:{咦~你個fd唔見左既  唔通佢嬲左我唔記得左佢黎過?}  死人丫皮玩人地話  係呀!!  之後睇完返過去  load麵姨姨無啦啦叫我唔好嬲   我都唔知發生咩事  最尾同load麵姨姨say閉閉咯  <<load麵姨姨真係搞笑  我都未見過賣野D人咁好傾既  下次去實再幫襯返去  哈哈...

5

              今朝起班房溫豬果陣  黃蛇無啦啦行過黎:{老魚 唔好咁緊張a}乜我個樣似緊張咩?我都諗住放棄中屎科架啦 so今日中屎狂咁吹架  哈哈... 
      放學果陣得返我+架妹一齊走  其他既  有D考oral  有D唔知佢地做乜叉野啦  我同架妹起樓下吹左一陣水  我地吹返以前果D野  我地大家都問大家有冇鍾意既人 我話有  仲講埋比佢聽  但佢:{嘩~都好假下啵!}  超~佢夠係啦  架妹:{其實呢...以前某某係鍾意你架  你知唔知架?} 我:(um...我知既)    我爆左一個傷心而令我一生都唔可以unforgetable 秘密佢聽   講講下勾返起當年果件事  D眼淚不停起個眼眶滾動  心諗:[要忍呀!要堅強D啊!!唔可以起佢面前喊架]

     返到屋企  好開心咁打緊雞  無啦啦殘廢芝call 黎掃苦  話個經理有幾衰  仲叫我即卡出去見工喎  我+呀皮+架妹搭car 我同丫皮坐  架妹就坐我對面 坐坐下d人落晒車  丫皮出去問下司機起邊度落車  跟住架妹就企起身想同我坐  突然司機一殺制架妹即卡成隻田雞趴左前面個位到  嘩哈哈...

       見完工次後走  無啦啦有班大陸人問架妹[你知不知道`乘什麼車去荃灣?] 架妹講普通話又唔正喎  果條友:{哎  得啦得啦  你講返廣東話啦!!}<<<架妹比人串唔識講煲東瓜  哇卡卡~
4