隻腳有D痛︿唔知係咪跳舞拉筋嗰時拉傷咗?

人生命的旅途，必然要經過許多黑暗。

而黑暗可能是源於人的罪性，從而產生很多負面的能量，

繼而導致不安、焦慮、恐懼、絕望......所以人很自然需要光明。

但可惜的是，人為了一己私慾，而傷害其他人，破壞世界平衡...

黑暗的勢力漸漸龐大，光明漸漸失去它的光輝，而淪為一道黑影。

人看不到光明，在黑暗中迷失方向，變得沮喪、絕望。

諷刺的是，人一面想尋求光尋求真我，但另一面卻逃避光，

因為人害怕看見真我，倒不如躲在自己的世界，享受放縱私慾。

光主動尋找人，人卻認不出它，反被看成黑影，只要少數人仍然持守信念。

當人願意面對自己的黑暗面時，光便會進駐在心，便產生正面能量，去對抗惡勢力。

人必須經歷死亡，沒有死，就不會有生，這是這個世界的定律。

但人偏偏要控制一切，妄想用人的力量得到永恆，結果招致滅亡。

以上就係我睇完"地海傳說"呢套電影嘅感受同埋感想，

佢入面一D訊息令我覺得幾有共鳴。

而家唔理睇電視定係電影啦~~如果淨係齊笑嘅話我冇興趣。 

第一次開OT去到20:00，不過相比起其他人算係小事。

琴晚去咗陪人，今晚就輪到自己......哎~~~

琴晚第一次見識到竟然會有人OT O到00:00先走，

佢仲驚我無車搭，我都未膽心過，仲叫我喺佢屋企過夜。

喺人哋屋企過夜，仲要有女仔添~~~我會好不安，好彩都搭到尾班車~~

而家又餓又睏，仲未食飯。哎丫~~~唔打啦~~肚餓啦~~眼瞓啦~~~

本來唔想太依賴眼鏡，但係而家長時間唔戴嘅話，對眼就好唔舒服，

特別係當要花精神去睇野之後嘅時間。

所以如果唔係郁動大嘅話都唔會唔戴，以前都有一副，

不過覺得唔方便，之後先冇戴，而家唔戴唔得啦   –·–

今日正在工作時，聽到電台DJ在討論內地遊客與香港旅遊的話題，

未幾，那個姓馮的同事(年資最長)開始批評那些內地人，我不是第一次聽，自我起初開始上班，

所以我覺得她很討厭他們，甚麼都要批評批評，我認為與星座沒甚麼關係。

起初上班一段日子，知道原來大家都是同一個星座，感覺卻有點兒不高興，

我相信她都會有這種感覺，因為完全是兩類人。

不過我自從中五後就沒有看那些星座分析......記不起有甚麼特徵...

呀~~~我最記得是吹毛求疵，因為她就是這樣。

其實對於中國大陸，我沒有那份愛國情懷，我不討厭中國人，

令人生厭的，是少部份的人，正如香港一樣。

我討厭的是中國有很多事變得政治化，喜歡粉飾太平、糖衣包裝...

尋晚老二話我個樣好似好多嘢煩，於是我作咗個故仔，

不過我知佢唔會信晒，我唔講俾佢知係因為我唔想講，

其次我比較鍾意一邊諗一邊去體會。

的而且確係有D事情困擾緊，但係就唔係同老二你講關於愛情嘅事，

咁我唔知老二你信幾多成啦~我亦都唔想知~~~

不過...話時話，嗰日同個女仔去完街之後，係有D感覺(唔係鍾意咗人)

所以我體會到why唔好一男一女單獨相處。不過我會睇情況而定。

講番正題，今次真係要認認真真為自己一籮籮嘅projects計劃一下，main point 係時間，

and than 係金錢。下年應該會鬆動好多，預計今年會還清所有債務，

但係就要慳D洗。

星期五又去咗媽咪度，有好多野真係唔知要點樣講。

第一次聽媽咪問我有冇拍拖，其實佢除咗真係想知之外，

最主要都係驚我將來如果結咗婚係咪仲要同爸爸、阿姨一齊住喺而家呢個單位。

我媽咪係一個好實際嘅人，有時真係會覺得好煩，不外乎嗰D原因啦~~~

當開始實行我D projects 嘅時候，到時自己D時間都唔夠啦~仲邊有時間拍拖丫~~~

更何況而家都未有心儀嘅對象，好似有人話會為我呢樣野祈禱，唔知有幾多%係真呢~~~