沖完涼之後，細佬send左D歌黎，又搞左一輪。
人嘅一生真係好有趣，係一部非常非常非常長嘅一部戲．．．．．．
人唔會知道前路係點樣，但望蕃轉頭卻發現係另一個歷史重演．．．
我覺得我而家簡直係呢個歷史重演，事關對上嘅工作我又係咁樣．．
其實都係因為當時一D經歷，再加上性格嘅傾向，而引發一D思想．．
而呢個思想就係做我會做，但係唔想俾個領導嘅名份綁死．．．．．
所以我好少擺個心係工作方面．．．．．．．．
就好似遊俠與呢個軍團入面嘅一個軍官咁樣，對我黎講分別唔大．．
最主要嘅係我唔鍾意做指揮嗰個，我咁諗唔係話想逃避責任．．．．
今日某人分享話佢俾人話要個腦黎做咩o架，唔係聽指令，而係要做leader．．．
．．．不過呢個又係一個社會嘅現實．．．
其實講真嗰句，我對於而家呢個咁樣嘅社會現實多少都會好不滿，
亦都眼見身邊熟識嘅人已經向呢個現實低頭，我又有D唔甘心，
再加上我亦睇到唔少嘅成年人，基於很多原因(不能盡列)，
將童心收埋，可能要透過遊戲先睇得到。當然，人係需要成長，需要成熟。
而我所指嘅童心係即使已經係一個成年人，但亦都有一顆如小孩純真嘅心，
而唔係話唔想負責任，所以要扮細路仔。我當然明白成年人有佢要肩負嘅責任。
(唔~~~未係解釋得好)
或者可能有人會覺得我係咩咩革命份子之如此類嘅野，唔~~~都可能係o架~~~~
只不過我係想嘗試下挑戰呢個現實，別無他意．．．
既然而家主意已決，咁唯有做好自己嘅本份啦~~~
|
