每一日我都會發夢，無論係瞓緊覺與否。
當我望住蔚藍嘅天空時，我發現我身處嘅世界如此大，而自己又係咁渺小，
點解我只滿足於一個只講經濟嘅世界呢?
究竟人生需要希望抑或人生就係希望?我都唔識分。我淨係知道，
我需要夢先有勇氣活得有方向，以致活著就係因典，並值得感因。
咁樣夢係屬於過去(昨天)定係將來(明天)?
夢屬於過去係一個不爭嘅事實，因為夢就係延續對過去嘅遺憾或唔滿足:
夢屬於將來，因為夢正正表達出生命本是開放。
但係，夢又點會淨係屬於過去定係將來呢?曾幾何時，我都分唔清
我喺係琴日抑或係聽日。霎時間，現實同虛幻撈埋一齊。
夢有個特色，就係不請自來。
現實係乜野?就係對夢嘅憧憬。夢又係乜野?就係對現實嘅投入。
唔知幾時開始，我哋將夢想同現實分開左，兩者變成對立。
其實，如果冇現實者嘅挑戰與坦白，做夢者只會係曲高和寡:
如果冇做夢者嘅想像與吸引，現實者只會被無情嘅現實吸納。
所以夢想同現實冇可能分開。
夢想就係一份羨慕，羨慕自己冇但人哋擁有嘅事物。
羨慕唔係嫉妒嘅美化詞，因為令我羨慕嘅唔係嗰個人，
而係嗰樣事物。因為佢將我所羨慕嘅事物成功咁表達出黎。
羨慕就係一份夢想，夢想就係對生命有份嚮往。
因著羨慕，夢想將變得具體同實在。
羨慕將夢想帶番塵世，夢想將羨慕超脫世俗。
夢代表住我哋嚮往嘅將來，亦都代表住那真實但隱藏嘅我哋。
夢又係咪咁樣?如果唔係，咁就冇可能係夢啦。
有夢就唔會同時係惡，有惡就唔會係夢。
惡夢唔屬於夢，反而係屬於惡。
只有帶黎盼望同興奮嘅夢先之係夢。
若果話夢令人唔理智，倒不如話夢令人唔屈服係理智之下!
原來，夢嘅邏輯係由將來睇而家，而唔係由而家睇將來。
咁就係點解過份理智嘅人唔會明白夢，甚至冇膽發夢。
因為對佢哋黎講，夢係不設實際嘅代名詞。
之於我嘅夢係乜野?
嘻~~~咪就係我對將來嘅一份嚮往囉~~~~~~ 
|
