係啦 從前有個細路囡
佢小學嗰時讀書好叻
小四考過全級第三
小五小六就徘徊全班一二三
但係喺佢記憶中冇印象自己發過奮讀書溫習
雖然補過習
但係佢只係嗰啲夠鐘就補唔識唔問夠鐘落堂
乖乖老師講乜佢做乜
小學嗰時啲老師都好錫佢
可能夠乖？可能讀書叻？
佢由細到大都係講中文就口響響
一講英文就口窒窒
不嬲考試都係中數常就八九十
英文就得七十幾
不過就喺小六呈分試佢英文考左個九十三分
派券嗰一刻佢見到英文老師對住佢笑嗰下嚇親
見到個分嗰一刻佢仲嚇親
揀中學嗰時佢淨係識英華同聖士提反
媽媽聽其他媽媽同老師講話英華好啲
於是就揀左英華第一
好啦 到英華面試時間表出左
一上網睇 嘩 全部都係英文
乜都唔明
去面試嗰日
入到silcocks hall 佢仲好記得入面好靜 啲音樂好好聽
佢仲見到唔少同學
等左好耐 終於到佢啦
坐埋去睇四格圖畫
一望 死啦 地鐵 老婆婆 比人 踢倒?!
佢嗰時淨係諗到啲英文單字
唔知幾分鐘之後
走左去課室面試
一如以往 佢口窒窒咁震左幾句文法完全錯誤嘅英文
聽埋之後嗰幾位考生
佢開始覺得 係喎點解我諗唔到架呢
之後到中文小組討論
佢仲好記得個題目係講補習是利或弊
又一如以往 一講中文就信心爆棚
佢見完一個星期之後
佢就去見聖士提反
今次佢淨係記得個校舍好大好靚
面試好似睇段片答問題問英文問題中文小組討論
今次佢覺得自己表現好啲
見哂兩間就諗住英華都係冇乜機會
個個放榜都好緊張
但係佢一啲都冇緊張過
點知最後放榜英華又真係收左佢
嗰日媽媽同佢講話聖士提反問你入唔入
佢仲諗緊嘅時候媽媽已經幫佢決定左
最後 佢入左呢間距離佢屋企十分鐘路程唔使嘅英華
做左個英華女
中文 1
數學 1
英文 3
佢中一迎新嗰日連班主任講乜又唔知
黑板啲英文寫乜都唔知
佢好醒目架 佢聽日講話小學升中學差距好大
於是佢測驗考試嘅目標就係合格 六成就好 五成接受
派左第一份中學成績表
老師話佢成績中規中矩
話如果佢英文進步啲 上堂參與多啲就會有進步
嗰時佢見到張成績表
見到自己最鐘意嗰科都得4就立志要努力
到左下學期
老師話佢有進步
不過都係嗰句上堂參與多啲 英文再好啲就再進步
好啦佢升中二啦
佢入左choir 之後莫名其妙地啲成績好似有啲進步 除左數學
大概讀group1 個個都好勁 自己上堂又唔專心所以退步
同時英文喺group3 受緊高壓政策
英文突然唔再口窒
喺group3之中考到group1成為全組之中唯一一個考75以上
老師送左個港大file比佢
佢好開心
不過原來數學考七十幾八十喺group1裏面就等如group4
於是佢見到成績表就好糾結
老師讚左佢幾句
佢驚覺老師係有留意佢
佢悲喜交集之下
見家長竟然喊到成隻...豬...咁
於是 曾經出現喺中二上學期成績表嘅cheerful就從此消失喺佢啲成績表上
但係 亦由呢次開始
attentive 沉潛向學 responsive等等 嘅字眼就開始出現
佢又莫名其妙咁攞左個咩咩進步獎
第一次喺全校人面前聽到校長讀佢個名 嚇左一跳
佢下學期發奮數學
但係佢又好緊張
結果考數嗰日唔舒服 考考下衝左去廁所嘔
冇左五分鐘之下佢仲考到89仲要有冇左兩分其實係2x3=5佢已經覺得好好
但係佢英文得返68佢覺得好對唔住老師個file
過左一年悲喜交集月有陰晴圓缺又成日掛住唱歌嘅中二
佢升到上中三 過左一年仲好玩過坐過山車嘅生活
呢一年嘅開始
佢吸收左過去一年好想幫班會手但又因為唔係班會成員而被拒諸門外嘅經驗
佢舉手話要選總務
點知做左 其實都係被遺忘
做野嗰個係佢 但係連開會佢都唔知
數學呢一年都幾搥心口
第一個小測滿分架
之後就不斷咁跌
上堂做比心機嗰幾個又有咩用
唔聽書嗰啲仲叻
係幾不甘架
咁又可以點
唱校際又搞到唔開心
唱choir又唔開心
做班會又唔開心
同同學價值觀太不同相處落又唔開心
做班長已經算係唔開心中最開心
呢一年佢對啲得失好執著
結果搞到自己精神分裂咁
嗰年有樣野叫雙週記
雖然唔係雙週嘅記
但係佢覺得呢位班主任好好
可以傾訴
佢開始會寫啲可能佢以前只會打上blog仲要set private嘅野
佢覺得唔開心 佢唔想收收埋埋於是佢呢一年喺學校流嘅眼淚係由細到大喺幼稚園小學中一中二嘅總和
結果
換來成績表上面上學期話佢情緒緊張
下學期更甚 話佢偶會出現情緒困擾
其實佢嗰時睇到真係有懷疑過自己精神係咪有問題
要揀科
佢毫不猶豫揀左VA Geog
只係喺chem同history之間諗左一諗
老師上學期嗰時話佢之佢如果下學期成績唔太差嘅話揀chem應該入到
佢下學期成績冇太差
只不過佢覺得自己讀hist讀得好開心 於是棄一科人人趨之若鶩嘅chem轉投hist
呢一年年尾
佢攞左大姐姐報名表
其實 而家嘅佢一直諗緊當初第一下佢想做嘅原因係咩
佢唔記得左
但係其實佢依然覺得自己係因為做唔到prefect先至會有衝動想做大姐姐
因為當時prefect呢件事對佢影響太深
終於坐完左依年嘅過山車
佢中四啦
佢如願以償地讀art hist geog
佢呢一年又再舉手選總務
不過選唔到
不過佢今年又冇咁執著喎
佢做左大姐姐
有幾個好好嘅小妹妹
佢報civic ed 報promotion subcom
佢繼續唱choir
呢一年佢活躍左好多
做好多post
又玩fashion show又畫students day tshirt
佢多左好多動力
佢記得好多老師都話初中上高中好辛苦
仲辛苦過小學上中學
人生第一次有electives讀
佢考mid year之前就好驚好驚
可能就係咁擺喺electives嘅時間多左
佢electives 全部111111
core就死淨半條命
佢個名第二次喺全校面前被讀出
今次係攞一科high achiever
係囉 一科有成廿幾個
但係呢次對佢意義甚大
佢第一次做talk嘅mc
佢第一次真係對住半個hall嘅人攞住支咪講野
其實佢好驚
佢玩fashion show
同一班好組員莫名其妙攞左個亞軍 上台攞獎 其實佢見到自己個名喺個對住全校嘅powerpoint上面都仲係好驚
於是 佢依一年第二次上台攞獎
佢上台唔只係唱choir唔再係表演
佢畫students day tshirt 其實佢唔想輸 因為佢覺得其他design唔貼題
到佢真係贏左 佢聽到自己個名through pa system宣布嗰下又驚
呢次係佢個名第四次出現喺全校面前
見到sample又覺得死啦好樣衰會唔會冇人鐘意
雖然如此 佢依然好開心
呢一年佢讀書讀得開心
同班同學相處得開心
上堂開心
只係擔心自己final又跣手 會留班
只係唔知點解啲動力失哂效
變哂壓力
復活節假期前幾日佢頹廢左
之後斷斷續續上堂放假測驗考試
佢一直好想搵人傾下
但每次講到出口就吞番落肚
status打到出手又del番佢
佢覺得多一事不如少一事
佢覺得自己搞得掂
佢唔知道搵邊個可以傾
佢覺得同學 朋友都幫唔到佢
佢好想搵老師傾
佢真心當班主任係半個爸爸
仲有好多老師好錫佢
但係佢唔敢講出口
佢怕再將自己個心打開比人睇
佢怕重蹈覆轍
佢下學期唔只隊左好多罐咖啡落肚
佢 仲食左好多野落肚 最後得個桔
佢為左搵番動力
佢打開番上學期張成績表
佢見到上學期嘅動力變成下學期嘅壓力
數學卷上 老師寫「slight improvement, hope to see it further」
明明應該係動力
咁都會變成壓力
佢考試前開始放學一得閒就留喺學校溫書 唔係因為佢勤力
係因為佢一番到屋企又頹廢番
佢冇左讀書嘅動力。
其實佢只係好驚中文唔合格升唔到班
唔set private 望有緣人見到。 |
