呢幅畫其實早喺７月２號已經畫咗啦
畫完呢幅之後畫咗隻憤怒鳥

呢幅畫呢，畫完嗰一刻已經好開心
我仲用ｍｅｍｏ喺後面寫住：
畫畫，唔係為畫畫靚而畫
係因為佢令到你開心
好Ｈｅａ咁完成呢幅畫
但係我好開心。
ＰＳ：雖然夏天畫聖誕鹿有啲格格不入...He Hee xd

原本我已經遺忘咗呢幅畫
只係今日擺幅新畫入去個ｆｉｌｅ嗰陣掀掀下見到張ｍｅｍｏ
之後見到幅畫
見到隻鹿笑得咁甜令我突然間覺得好開心

擺上面書
發覺原來佢唔單止令到我開心，仲有其他人：Ｄ
我諗佢係第一張我畫嘅畫可以令到人開心
呢個時候我笑得仲開心哈哈

愈望呢幅畫我就愈鐘意
我試過唔笑咁望住佢
點知佢仲係咁死蠢咁個嘴仲Ｕ過個Ｕ字咁笑
就係咁我又比佢啲歡樂感染咗啦
打緊呢篇野嗰陣仲笑緊：Ｐ

跟住我就發覺：
原來畫畫最開心唔係你畫到人幅個個都話靚嘅畫
而係你能夠畫一幅畫出黎感染自己感染人地
用歡樂去感染人，而唔係用哀傷去影響人


喺多倫多嗰陣
我曾經想將自己諗嘅野畫出黎
嗰陣有啲掛住屋企
所以就諗起句歌詞：
When you miss me at night, look at the star shining bright
其實幅畫就正正係畫緊呢句歌詞
雖然係抽象
但係我唔鐘意畫啲無人睇得明嘅畫
更可悲嘅係
無論你明唔明幅畫畫緊咩都好
你都會覺得幅畫一啲都唔開心
然後就會跟埋一齊唔開心

既然畫咗自己嘅唔開心出黎
自己又唔會開心番啲
第時見番幅畫仲會諗起嗰時唔開心嘅事
咁點解唔畫啲開心啲嘅畫呢？
自己畫完見到又會開心
人地見到你幅畫又會開心
一舉兩得，何樂而不為？



開始有啲厭倦為畫畫而畫畫嘅生活
去畫室畫出黎嘅畫
無錯！係靚
但係我更加鐘意喺屋企
一時興起
攞出只有八支嘅疑似油粉彩嘅顏料
一支鉛筆一個擦膠起稿
是但求其見到屋企有啲咩就畫佢出黎

我記得初初去畫室學畫畫嗰陣我特別鐘意素描
因為我覺得好易畫又靚
但係老師就成日同呀媽講
畫幾堂素描就畫番幾堂顏色
因為淨係得黑白啲小朋友會悶
如果當時我大膽小小嘅話我諗我會各老師提出我想畫素描！
我鐘意畫素描！
之後開始畫油畫
我依然都仲係鐘意素描

但係呢
７月２號嗰次突然間唔想畫素描啦
我終於覺得悶啦ＸＤ
之後我開始愛上咗ｏｉｌ　ｐａｓｔｅｌ
其實嗰隻鹿因為我得八隻色
我畫出黎嘅顏色同佢本身差好遠
但係唔知點解我特別鐘意呢種感覺

黑白嘅世界無論幾靚都好
始終比唔上彩色嘅美好－
尤其係自己話事幫佢上色


原本隻鹿就係咁架啦
顏色差好遠，但係有一樣野佢同我畫嗰隻一模一樣
佢地個嘴依然笑得Ｕ過Ｕ字ＸＤ
好鐘意佢：）