有一段時間, 我冇諗過18歲之後會係點.
日子點都係要過,
希望自己邊度柒左, 就去邊度企返起身
2014年之後, 我訂下左幾個小小既目標,
1. 減肥
2. 停藥
3. 中五 -> 中六 -> DSE -> ?
減肥係非常成功既,
亦令我留意多左作息時間同埋飲食.
個陣每日食幾隻手指咁多既雞胸肉, 大量菜, 小許飯, 再加埋跑步.
跑步真係幾爽, 聽住歌黎跑步唔會覺得太累, 仲可以放鬆心情
so far我係瘦左40幾磅. 有時睇返舊相都唔認得自己.
過年見親戚既時候, 個個都話我瘦左成熟左, 係幾開心.
停藥成唔成功我真係唔知, 我一向最討厭既係副作用.
除左會令我肥之外, 最麻煩係會影響平日既精神, 思考能力, 記憶能力.
所以我冇再食到藥, 但一開始真係好唔慣, 好恐怖.
雖然一路冇乜好轉,
但我開始學識去發洩同埋應對呢d情緒.
有一排需要家庭醫生比安眠藥我, 但最後都係決定靠自己.
我覺得自己情緒波動冇咁大, 最少唔會失控.
老豆老母都覺得我有好左 :)
中五一開頭好驚,
但唔經唔覺我驚住咁渡過左, 亦升到班, 叫做行左一步.
升完班之後壓力反而大左.
停藥停左一年, 記性開始好返, 個人精神返.
最近先發現自己其實想盡力考好DSE佢, 而唔係當初咁打算就咁過左DSE.
但望住一堆F3 , F4, F5幾乎冇掂過既Notes, 再望住得返唔夠半年時間.
個頭好脹好重, 透唔到氣, 有d想逃避.
但無論如何都唔可以再做逃兵, 所以我都係一定會盡力去做.
就算結果唔好, 我相信DSE期間既經歷, 會教識我好多野.
不過呢年其實真係幾_辛苦. 唔知DSE之後又應該點樣行呢.
|
