我乜都唔識,唔識得講笑話令人笑,唔識點樣同人相處,
唔識點樣安慰人,唔識得點樣安排時間,唔識得去保護一個人,
唔識得運用自己既青春,唔識得點樣去愛一個人,
我唔識點樣把握機會,唔識捉住自己既幸福,
運動又唔叻,身上好多把刀,但無一把利,
我唔識送野比人,只送埋d唔等洗既野比人,
我又唔識路,成身都迷路,總是把麻煩帶比身邊既人,
唔識控制自己既情緒,一d耐性都無,又唔識得寫到d字好令,
唔識得煮野食,唔識得爭取自己想要既野,
我又唔令仔,亦都唔係有錢人,又無車,又無樓,唔睇得唔打得,
唔識打扮自己,唔識得自己定主意,唔識得點樣去奉承別人,
但....最唔識既就係點樣先可以留住身邊既朋友.....
我唔明白點解朋友一點一點咁離我而去,
我真係咁唔好,做既每一樣野都令人討厭嗎?
打到呢度,我聽既歌竟然隨機轉到去陳弈迅既最佳損友,呢d叫巧合嗎?可笑'
究竟有無人可以話我知我做左d乜,有咩唔好呢?
由始至終,日記對於我黎講都係一個唔開心既地方,打既野都係唔開心的'
可笑既係,因為無乜人睇,所以可以打好多野都無人知,
就算知都無乜點,佢地對我都係一樣,愛理不理,
有咩唔好都唔話我知,睇住你死睇住你亡,唔會改變到任何野,
我乜都講得,有問必答'有d野除非有人叫我唔好講la,
但偏偏就係唔講得自己心入面既野比某某人知,因為某某人佢地無問,
而佢亦都根本就唔知我有心事要同佢講,可能唔想我煩到佢掛,
就算打左咁多唔開心既野,佢地亦都唔會問我咩事,
要夾錢,唔開心,有事就朋友,無事就搵都唔搵我,當無識過咁'
所以每次打日記都好矛盾,好似自己o係度同自己講野,又愛又恨,感覺怪怪的'
"人言可畏",但人地心入面諗緊d咩仲得人驚,
我唔識讀心術,問得多又驚話我煩,即係永遠都唔會知,
我應該點做?再次繼續去珍惜我既朋友?唔比機會我既朋友?
定係捨棄哂我身邊既人,決定自己一個人去另外一個新既地方呢?
唉,我真係白痴....又係度自問自答= ='

唔好意思,覆唔洗d CM...有機會肯定一定覆'SORRY'