開咗學啦,
今年讀6B。(其實差唔多個個睇我既BLOG既人都知)
又係果一班同學,
又係果一個班主任,
不過唔係果一個班長,
唔係果一個副班長,
唔係果一個數學老師,
唔係果一個常識老師...
總之一句講曬,
唔一樣既多過一樣既。

今年冇做班長,
不過做咗Miss Tang既私人助理,
我知道做私人助理要做既野一定會少好多...
做唔到班長,
成日都同人哋講唔會唔開心,
但係只有可以睇穿我既心既人先可以知道...
其實我真係有D...
其實我一早就知道,
如果係同學投票既話,
我就一定做唔到班長,
其實我一早就知,
不過我最估唔到既就係竟然全班無任何1個人投我,
就連BEST FRIEND都係一樣...
呢一樣野先係我最唔開心既。

但係都有一樣野係值得去露出我既笑容,
就係有人可以睇穿我既心,
因為只有果一D人先係我最好最好最好最好最好最好最好既朋友。

今日係番學既第2日,
唔做班長好似有D唔習慣,
好似有好多平時會做既野都唔可以做,
不過都唔緊要,
我唸只要為自己訂下「10大不可」,
應該都唔會有D咩野問題。

今次做唔到班長,
可能係因為自己平時得罪得人多,
又或者係其他既原因,
就連我亦都唔知,
我做錯咗D咩野。

最後,我係呢一到,
向今年既班長:徐佩欣,
同埋副班長:莫傲峯,
送上最後既祝賀同祝福。

(今次寫呢一個BLOG,唔係要同情,大家唔好唔會!)