嘩!報分試完咗既第一日,
心情真係特別靚,
就連自己都覺得好開心...
好似已經好耐好耐冇試過呢一種感覺...

報分試完咗既第一日,
最令人期待既當然係派卷既時間啦!
每一個等待既時刻,
總會係難受既,
痛苦既,
緊張既...
但係同樣,
每一次,
當我接到份卷,
用我果一對碌到大一大既眼嚟睇果一份卷既時候,
結果總係比人帶嚟驚喜既,
令人放下心頭大石既...
望住果一份卷,
回想起老師派卷前對我哋叮嚀既說話,
真係唔知點形容果陣時既感覺...
最近呢幾次考試/評估/小測(五年級既都計算在內),
老師幾乎每一次派卷之前都會對我哋講一番說話——
唔係,應該係訓言至係。
而每一次都係: 呢份卷做得唔好呀...唔係講笑呀...真係要比心機D溫書呀...
唉~~~
呢一D說話每一次都會令人在派卷之前既幾分鐘提心吊膽(包括我在內,又或者唔止我一個)...

今日派咗兩份卷——
中文閱讀同英文,
老師仲未收番呢一份卷之前,
望住､攞住呢兩份卷,
感覺真係令人感到特別既...
考到令自己滿意既成績,
真係會特別開心...

今日,好多人都有同我講過: 希陶,你就好啦!
但係我好想答大家,
今次只係我好彩,
下次好彩既可能係你...
只不過我真係好好彩,
好運嚟得好及時,
就係啱啱好呢一個報分試嚟到我既手上,
又或者下一個報分試,
好運會嚟到你哋既手裡面呢!

學習上既野講完,
就講吓玩既野啦!
嚟緊呢一個禮拜六係我既第12個生日,
生日年年都有,
但係今年總係特別既,
就好似破咗先例一樣——
可以同同學一齊去迪士尼!!!
唔知果日會點呢?
不過仲有好多好多問題要解決,
剩下既時間愈嚟愈少,
最後既結果究竟會係點呢???
真係令人期待!