去 Rangitoto　要渣車過橋去　North Shore  既　Devonport　再搭船去．．呢個島係唔俾人住或過夜．．非常荒涼

Rangitoto Island 0係七百多年前因海底火山爆發形成, 雖然宜家長滿晒花草樹木.  仍然有機會再爆發

未出發之前聽其他朋友形容呢個山好難行..好 "Rocky" ..都唔係好信..因為從遠處望落個山好平坦

哈哈哈..不過行落就知味道...d 路好斜同好多大大少少既石...一個唔小心好容易會跌倒或扭傷

上山同落山有時都會幾狼狽...需要用手去爬...好彩呢d咁唔見得人既情景無被影左出黎

相入面果幾個就係我既隊友...因為本人既體力實在有限...常常落後先可以影到呢d咁壯觀既照片

前面果位隊友前幾年已經挑戰完馬來西亞既”神山”．．好有來頭呢

辛苦左大概兩個鐘頭...終於到左山頂...因為太陽太刺眼既關係..呢張相影得我好古怪..嘻嘻

相入面遠處就會望到一個塔長長既..就係 Auckland 市中心既 Sky tower...係唔係好遠呢?

今晚msn 到好夜..宜家已經三點三十三分啦

同家姐阿妹仲有細佬傾過計..+ 朋友一名 都算勁..平日真係好耐無試過一時間同咁多個人msn

今日終於都推左份工..

夜晚同maggie 散步既時候撞到阿john...估唔到佢無做經紀..仲同阿ann 分左手．．佢又叫我得閒搵佢出黎飲野啦．．原來maggie都係識得佢．．呢個世界真係細啦

撞番佢令我諗起之前既生活．．好似係過去既自己咁．．佢就等於過往．．等於以前既失戀片段．．對於佢真係有無限既感激．．同　Ｆｅｌｉｘ　斷斷續續既開心同唔開心．．佢睇到並加以安慰．．同　Ｃ　都係一樣．．唔開心佢肯陪我仲幫我同ｃ　講．．．可能最後乜都幫唔上忙．．但係我諗．．佢都好清楚我既內心世界．．出面既人都話佢係衰人．．或者真有其事．．只不過０係我既面前佢係好溫柔好似哥哥咁．．可能仍然回味佢對我既溫暖．．繼續拒絕接受佢既真面目

換個角度睇．．一個人可能有好多面孔．．對於佢．．我根本毫無利用既價值可言．．所以無需要去呃我

可能因為唔想見工...所以無乜點預備...d 野臨急臨忙先去print...又會咁岩一急起上黎 d 電腦野突然唔work...終於都遲到...還好遲到打個電話話佢知...佢又ok...當入到去間公司...見我果個係一個好man 既女人...外國係咁...一睇就知佢les 但係個外表唔會好似hk果ｄ扮得咁似男人．．．．佢地係做production 生意...tv...movie...function...其實都唔係好明....不過見到佢地有好多好大部既儀器...好多好大部既攝影機....d 電腦 既 program 都未見過既...真係有d 驚驚...仲係全男班 (哈哈哈...有幾個高大又靚仔仲係blonde)...得果個女人....同上一份工一樣...講起真係一樣....上一份工個女人又係 les.....咁challenging 同 interesting 既工...唔係好岩我

頭先同個女仔朋友講起宗教問題...宜家諗番...自己既情況都好矛盾...仲要矛盾左十年...悲哀...由始至終都唔接受現在呢種形式...以前係因為自己人新路不熟...宜家係因為david...一路都係屈就0係果度...咁多年...識既大部份朋友都0係果度.....想走都幾難....好懷念以前0係hk 既星期日...好enjoy...間唔中專心聽下神父講既道理.....當知道堂姊妹唔再信既時候真係好唔開心....好似淨係我一個人0係度掙脫咁........

人大左就會有自己既諗法........係我死唔斷氣嗟~~ 哈哈