今日睇完第七集發現越黎越好睇..頭一兩集有d失望架..睇佢係因為卡士大..崔智友, 竹野內豐, 木村佳乃 都係鐘意睇既明星

開頭個拍攝手法"fing" 來"fing" 去攪到我都暈埋......段片無乜色彩...用黑白 pale 既顏色...同 "無間道" 無乜分別..真係唔係咁鐘意睇警匪片..........不過估唔到..仲複雜過"無" 戲中戲中戲..崔智友好好戲...完全睇唔到佢可以將個角色扮得咁好...出左 dvd 既話一定會買!!!

慘..番左黎一排..一路要應付父母真係忙到死...佢地前日終於番hk 啦....細佬又走埋去日本...宜家反而覺得好悶...同好靜....可能因為連david 都唔係身邊.....將會一個人住一年有多 (如果老竇唔黎陪我既話) ......都唔知點煮食....無眼睇...見一步行一步啦...........原本諗住番到黎搞好自己d野..先慢慢搵工...個agent 又咁快打到黎...早知唔聽佢電話啦...........聽日要見工...但係覺得自己未ready住....希望佢唔好請我

日日就係要執野...人地聽到都唔信...但係屋企真係有好多廢棄既野要分類....睇下要掉...定係賣左佢....如果要賣....又要同佢地影相...寫好d敘述先吸引到人地買........煩...........不過......呢d 都係錢黎既...........

琴晚悶得滯打左電話俾david 講左一個半鐘頭.....可能會好貴....得閒出去買張電話卡抵d

佢話俾我知....k Ho 同佢個女朋友講左分手...聽到嚇一嚇...見佢咁就得個女仔....應該係忍到先係丫........心入面形住都係因為daivd 番左去之後同過佢講覺得個女仔唔好.....攪到佢越諗越衰.........雖然個女仔衰...但係一聽到人地分手就心唔舒服