今日我本來係唔洗返學嘅~

不過由於昨夜Ceci的極力哀求,

我就陪左佢返排球.

但係我唔係排球隊,

只係返去替Ceci解悶.

結果我去到就做左Miss Wu嘅助手,

負責遞個排波俾佢發球,

D同學就要接球.

本來只係幫下手,

點知仲要食幾個波餅...

真慘...可憐...

做完接發球練習之後,

佢地入禮堂做體能訓練...好似幾辛苦咁...

好彩我唔係排球隊姐~

我見裡面有鋪墊,

就問Miss Wu可唔可以俾我做一下體操.

佢答應左...

Veronique見我要做體操,

仲幫我練拱橋添~

佢真係好好人架~

返左屋企之後,

就同媽咪去左尖沙咀行下街.

呢日都算係幾happy啦~~

今日我屋企多左８個新成員呀∼

就係６條金魚同兩條清道夫

我今日同阿爸阿媽仲有霖霖一齊去金魚街

我地先買左個銀色嘅水族箱

同一D必需品

之後就去揀金魚

我地搵左幾間舖頭

最後揀左６條

返到屋企, 我幫佢地改曬名:

一條又黑又橙嘅叫”花面貓”,

一條個頭橙色嘅叫”橙頭”,

一條好肥,個下巴橙橙地色嘅叫”肥肥”,

一條個背脊有紅色條紋嘅叫”Jojojo”,

一條體形最細, 無大肚 嘅叫”BB”,

一條最無記認, 最普通嘅叫”白雪雪”.

仲有兩條清道夫,

因為太相似, 分辨唔到...

所以無改名...

個水箱幾靚架~~

我幾鍾意~~

想睇佢地D相就去我個相簿度睇啦∼

今日終於第一日放復活節假喇~

真係勁happy~

我今日仲去左做我最鍾意嘅運動,

就係踩單車喇~~~

我地一家三口,

加埋我表妹霖霖,

仲有我至friend嘅一個舊同學嬪嬪,

一齊去吐露港踩.

我媽咪同嬪嬪其實都識踩架...

不過唔記得點踩咋嘛...

我地先去新城單車舖租左五架單車,

兩架大, 俾我同爸爸,

三架細, 俾媽咪,霖霖同嬪嬪.

Then, 我地就先去一條巷仔到,

俾果兩個唔記得點踩嘅人,

練下先...

到佢地練得差唔多，

我地就直踩出去吐露港.

我唔理三七廿一,

起勁地係咁踩,

真是超爽的~!!!!

結果我仲踩到去生物科技研究所...

超HAPPY的~~~

不過我媽同嬪嬪就差勁Ｄ喇...

佢地踩到去吐露港起段嘅一個涼亭就話累...

要休息,

真無用...

不過無論點,　我都最鍾意踩單車,

因為佢係我最鍾意嘅運動~!

今日簡直係到目前為止我人生中, 最恐怖嘅一日...

原本今日係學校嘅Life-wide Learning Day,

我地班要去嘉道里農場,

首先上午我地聽完talk之後,

就要去考察(搵樹)...

then再返黎present.

我同d組員搵搵下,

見到Ivy同佢d組員,

佢地話Ivy踩死左隻田雞...

個屍骸好噁心...

後來話果隻...嘢...應該一早死左...再俾佢踩多腳...

無奈...

跟住見到Philip,

人地係用個樽黎裝樹葉,

佢竟然捉d昆蟲put落去.

仲要係咁搖個樽,

搞到佢地死曬...

好殘人呀~

不過呢d都未算最恐怖,

因為好戲仲在後頭...

Lunch time之後,

要去植樹.

最初以為係喺平地度植...

點知...

竟然要係上山(大帽山)上面植呀~!!!!!!!!

我地搭車上到去,

攞完工具,攞完樹苗之後,

仲要再行一大段路上去~!!!!

本來我無畏高,

但係喺架車到已經開始有少少,

唔知係米心理作用呢~?!

行段路嘅時候望到自己離地面好高...好驚...

中途仲俾隻牛阻住左條路...

我問Raymond係米好驚呢~

因為其實佢驚動物(除左唔驚人)...

個領隊去幫我地叫走隻牛,

但係佢就好好牛(人)咁仲送左d禮物俾我地...(一堆屎)

跟住我地仲要沿住一條既無欄杆,又滑嘅樓梯上去,

超驚...又累(行到無氣)...

Ceci仲喺我面前跌低,

登親個pat...

幾驚佢碌左落山.我地上左700幾米添呀~!!!(山頂最高900幾米)

嚇到我死...

上面好大霧,

個個上到去個頭都濕曬...

我就不其然咁講...

"有無搞錯!俾$40上黎做d咁危險嘅事..."

Ashley聽到就話...

"係囉!俾$40上黎踩屎!"

因為個山頭到處都係屎(應該係牛屎...),

個個聽到都笑.

結果個個都踩曬...

我地怕會碌落山,

但個領隊仲話...

"就算碌,都要望住山頭黎碌,唔好望住山腳.無咁危險."

我地已經夠驚,

佢仲要咁講...

超無奈...

還掂都係碌,

仲有分危唔危險嘅咩~?!

不過最恐怖嘅都係我地要沿路落返去~!果條所謂嘅樓梯真係好恐怖...

落緊去果陣,

我仲大叫,

"呢度咁高!我寧願碌落算...好過喺到慢慢落...嚇到死..."

因為太高,

我竟然怕落唔返黎而...

喊...

可能因為我喺上面太驚,

落平地先喊...

我"瀑"喺Ceci到喊...

仲被人笑...

唉...

唔講啦,

要瞓喇~!