唔知你会唔会睇到呢封信，我希望你可以睇到，但又好惊你会睇到……
   我哋都识咗一年了，呢年几有近9个月我哋关系极度亲密，我唔知阿段时间我到底算唔算系你女朋友，因为你从来都无承认过，而且你仲同好多人讲你无女朋友……但系我嘅角度，阿9个月你系我男朋友，而且系我目前为止最难忘记嘅男朋友！依家我哋之间有太多太多障碍，亦有太多太多问题，甚至有太多太多人系我哋之间，我啉我哋以后应该再无机会重新一起，甚至永远都唔会再系朋友！唔知道系你心目中我到底系一个点嘅人，老实讲，我真系好想知，但我啉我唔会有机会知，因为我已经决定永远都唔再揾你！呢段时间，你做咗太多令我无办法原谅嘅事！太多太多！你伤害嘅唔单单系我，仲有我屋企人！我无办法可以忘记，换句话讲，你害咗一生！或者你觉得你做嘅“补偿”已经系尽力，但我可以同你讲，你可以做嘅仲有好多！最简单嘅起码系真心真意道歉同反思你嘅错，而唔系呢头道歉完嗰头有继续你嘅错同继续伤害我！
   我对你完全、彻底失望！即使我再爱你，我都无可能再接受你，我唔会再回头了！你一直感激嘅An，无错我曾经好感激佢，但依家我觉得我唔需要一个帮你一次又一次咁呃我嘅朋友！我真心真意感激你曾经带俾我感动，亦感激你同欧珊呢个二奶分手，仲将你哋之间嘅野讲俾我知；但我讨厌你再一次背住我包二奶，而且你仲系包一个已经同男朋友同居嘅女人！或者你钟意嘅唔系正常身份嘅女人，或者我输在我唔够贱！但我真系彻底认输，为咗你我甚至众叛亲离，我真系后悔！
   虽然曾经深爱你，虽然曾经感激你，虽然曾经被你感动，但我呢世人后悔嘅三件事中，同你曾经一起排榜首！我唔憎你，但我觉得认识你系我人生中最大嘅污点……
   我系无用，但我唔至于无出息无尊严！我真系无憎你，因为你系个无情无义自私嘅人，令到我可以下决心离开你，感谢上苍，发生一件咁嘅事令我可以看清你！
   系呢度我仲要特别鸣谢黎女皇同培正8栋206全体，无论以后你哋点对我，我都会永远感激你哋系我最困难嘅时候伸出援手，我会永远将你哋当作我生命中最重要嘅人！在此承诺，无论你哋以后遇到咩困难，只要系我帮到手嘅我一定倾尽全能！最后，我仲要同呢几位女士讲：对唔住！特别系Man姐、小丹、师姐同Fei Wong，如果有咩我可以补偿嘅，请同我讲，我会尽量满足！黎女皇，感激你对我嘅义不容辞，我保证你明年生日我会系最早同最迟送上祝福嘅人！