今朝去左上水剪髮，去之前搵左阿春先∼ 由屯門坐小巴雖然貴，但係夠快，其實我坐呢架已經係比較慢
因為顯示器顯示極速得 96 km/h，比上次坐o既極速慢左 20k∼
但都係好快，２０分鐘去到∼

剪完髮後就坐東鐵線去旺角東站轉小巴去大角咀簽約∼
好可惜沿途淨係見到一班直通車 DF11 去廣州，見唔到 SS8，又見唔到柴頭∼
我相信我坐o既呢班車前應該有班直通車係前面
唯一o係係沙田貨場見到我地而家做 project 個架真車∼

去到旺角東轉左小巴去大角咀後上到去，時間o岩o岩好∼
由於 meeting roon full o既關係，等左大半粒鐘都重等緊∼
點知等到時叫我入去，原來係要畀佢照一照肺先∼
之前太過大意，令到自己差ｄ冇左呢份工∼
因為o係申報有冇親屬時奶撻，估唔到原來有親屬關係係唔可以o係同一個範圍做野∼
更加估唔到係原來佢原先係想我同我親戚o係同一層番工∼
o係最初 interview 時，由於係全英文加上字比較密，未睇得好清楚就剔左 no
點知去到填份 Personal Record Form 時見到有一欄寫住，咁咪照報囉，唉∼

插完一輪後又出番去坐，又等多大半個鐘，好彩幸運之神眷顧我∼
經 HR 同部門主管對話後，最終決定繼續畀 offer 我，有得簽約番工∼
簽約時重不斷催我，係咪因為佢係 Assistant HR Manager，氣焰就可以咁大o既呢?
巧合o既係佢披左件好飄逸o既披風，更加覺得氣焰∼
搞完都成五點 lu，食左小小野後歸家∼

番到黎之後先詳細睇佢畀o既o個d文件，發覺佢係當我係長工咁做，只不過工時較少∼
有長工o既福利，亦都有 MPF，但唔使我供∼
原先估計份 Contract 係簽四個月，點知係只有開始日期冇結束日期∼
重有一大堆 ordanice 畀我∼