生日快樂！

 今日又北上了∼因為去旅行囉∼
目的地係深圳蛇口∼

十點幾上 B2 去到深圳灣口岸，一地兩檢o既好處係行幾步又可以過埋另一邊關∼
行深圳灣大橋時見到橋下有紅樹林同蠔排∼

上到去深圳，見到公車站，原本行程係諗住搭去世界之窗的∼
可惜永遠是臨時更改行程，見人地條龍排得長ｄ，咁就上左另一架公車去左南油區∼
去到一個好多人落車o既地方，我地又跟住落車∼
落左車之後，就見到o係香港好耐冇見過o既珍寶巴士
呢批巴士真係由香港運過去然後由右軚改做左軚的∼

然後行左間超市，買左兩支紅酒同幾包麵∼
o係畀錢o既時候，發生左一件趣事o係我媽媽身上，就係雞同鴨講∼
晏時間自己好似由內地轉左去歐洲國家，要用身體語言同人溝通∼
跟住繼續o係附近行，行到應該係市中心o既地方，見到有某美國最大型超市集團∼
o係隔離o既商場見到有非常熟識o既快餐廳，好似係K記同M記∼
但最後選揀左去價錢比香港平十幾蚊o既味千∼
水準同香港差不多，服務也差不多，埋單四個人百三蚊，不太貴∼
食完之後行隔離商場，見到有三大運動品牌o係o個到有分店∼
行完後，由於時間所限，再次更改行程決定唔去世界之窗，改為行超市一粒鐘∼
行完後，買左聽朝早餐，然後搭車回家∼
途中見到ｄ小洋房非常之靚，可惜搭緊車影唔到∼

由於冇咩地方值得影，想影o既地方就係搭緊車影唔切，所以最後係冇影過相架∼