今日又有地獄式課堂，一日要上成８個鐘頭堂∼
但全日都係對兩個阿 sir 而已∼

講番琴日o既事先∼
琴日落深水埗陪 Peter 續牌先，
之後我、阿達同阿雞就行左介乎欽州街至黃竹街o既一段長沙灣道去搵有冇淨色 Polo 賣∼
行左咁多都係見到女裝多，之後就行左陣黃金∼
o係黃金見到d 手指真係幾平，都有ｄ想買番隻∼
但其實我最主要係睇 USB 手掣，而家裝左咁多 game，唔用手掣玩好似冇咁好玩∼
但有不震同震動手掣兩款選擇唔知揀邊款好，實則差廿蚊而已∼

之後我建議行去旺角，點知畀 Peter 發現到一間賣衫o既舖頭
而間舖頭就正正o係長沙灣道上，而我地見唔到o既原因係因為行o既方向o岩o岩背向左佢
見到之後去左問價，$25/件
由於 Peter o既姨仔打黎煩住 Peter，令到 Peter 停左o係到未走∼
之後畀 Peter 發現左我地而家件會衫o既牌子，而且由於唔係全棉而更平∼
$21/件而已，平到即刻去入貨唔行落旺角 lu，而且間舖重有現貨喎∼
如果同牌子唔係 Polo o既話，$17/件咋，平過旺角o個間好多∼
就算畀埋佢印都係加多十蚊件到，而且可以一個禮拜交貨，以後應該會幫襯呢間架喇∼

之後就打的落大角咀畀ｄ衫去印，呢個月可以拎番黎賣 lu∼
然後又去左 Peter 整車間車房跟住去香港銀行入數然後坐地鐵番學校∼
o係荔景o既時候先畀阿雞逃脫，算啦，原本佢唔想出去添架∼
去到葵芳一落地鐵就見到好多人o係到圍觀，然後就再望一望路面
有警車冇救護車得食環署車輛就知有嚴重交通意外喇∼
o係果到出事，就會搞到出面有一埋車龍∼
好彩去到小巴站見到有小巴，ｄ小巴竟然倒車入站，你係得o既∼
o係車上面 Peter 就講一個人見到同遇到呢d情況o既事候o既一堆說話
我都有同感，如果你係周公帶你走就覺得冇咩野，因為係冇知覺o既
但如果唔係o既話，因為有知覺有感受，點都會驚∼