o岩o岩上左 forum 睇完一篇文章 突然，腦內浮現左一個想法或者係感覺∼
而o個個想法或者感覺就係個人冇左道氣，個心翳住翳住咁∼

最近成個人好似一個洩氣o既氣球∼
成個人都冇曬生氣，感覺上冇野可以提起我o既興趣或者令我有番生氣∼
做野冇心機，或者淨係識得係到做做做，由番工做到放工∼
成日覺得好攰、冇精神、一班人傾計我都默默無言、心神晃忽咁∼
同阿 Sam 一齊番工，但自己都冇乜點搞 gag∼
聽到 gag 都未必識笑

就算上星期六食 Grad. Din.，回想番其實自己都冇乜出聲
雖然坐埋一齊，但其實好似一齊o係戲院睇戲咁，各有各睇∼

腦入面會努力諗ｄ原因出黎說服自己點解呢排會冇曬生氣
天氣太過悶熱？
番工太多野做？
擔心九月會點？
過於懷緬過去三年o既開心生活？
睇得太多向世界出發？
o係屋企畀人係咁"哦"？

但以上種種原因都說服唔到點解自己變成咁∼

而家篇 blog 一路向下打，心情都一路一路各下∼
可能七月自己太過寄情於工作，冇放過假∼
又或者入去做得耐，識得越黎越多野，做得越黎越多∼
(又係一d呃自己o既說話 orz)

所以，而家好想大家可以畀d氣我
令我有番ｄ生氣∼