好耐冇o係呢到打日記lu~
就連 xanga 都冇打，自己睇到o既 xanga 充滿住 "留" 字
全因放年假前忙於考試，放完年假後忙於學會會務∼

今日係學會 O'night，但今日係 day off
但由於有 O'night，冇得唔番，所以點幾出左門口，首先出左太子
同 Peter 同阿春搵師傅話佢知開班o既日子、時間同點去　

之後坐 Peter 車番荃灣 (有時覺得有車都幾好，想去邊就去邊，但見到Ｄ路仔同塞車又唔想有車)
放低架車同佢老婆，之後o係綠楊坊睇吓西餅價格，然後搭地鐵去葵芳，經過一小時終於買左餅喇

番到學校之後，o係 canteen 食左個 tea，食緊 tea o既時候，先有人提議將問題轉做 PowerPoint
問題係而家先黎講，做 PowerPoint 需要時間ga ma，然後上左５樓 cut 野
突然畀人急召落會場，而原因竟然係唔識用 PowerPoint 2003，唯有先行落去幫手喇∼
經過大約大半小時努力，成功將問題轉成 PowerPoint

O' night 六點半多d 正式開始，Eric Lo 同 阿熊 o既 briefing 都幾簡短
所以好快開始問答環節，呢個環節足足玩左個幾鐘，中途都有派人派食物飲品畀會員
順利地八點半結束，跟住開始執野，執野時候發覺好多野食淨，最後我打包拎走
執緊野o既時候，阿健上友緣人睇女，而幅幅相都係差唔多甫士，突然阿狗都擺甫士
學林狗扮可愛教主一二五

九點三落到葵芳打邊爐，等左陣第一個湯底到－沙爹湯底，由於肚餓，辣o既湯底都照食
等緊食得o既時候，阿健又講佢儲錢去日本自遊行o既事
佢為左去體驗日本本土生活，儲幾皮野去日本個幾兩個禮拜
雖然呢個 idea 唔錯，但我覺得起碼廿幾歲有番Ｄ＄先去做啦∼

兩個鐘頭內，不斷食不斷叫人整整個GAS爐，又傾吓計，好耐冇試過 lu∼
食吓食吓食到十一點半，食o既時候又唔覺得熱，
但食完行番去葵芳地鐵站上左車之後，覺得非常熱，熱到出曬汗∼
番到屋企發覺底衫濕曬，十幾度都可以令到年底衫濕曬

丁亥豬年正月廿一

o係 YouTube 搵到琴日阿狗講o既 "一二五" 同 "超低能呀勁搞笑"

套踎低噴飯重差最後個大半個鐘未睇曬，今日睇埋喇∼
真係超低能呀　勁搞笑∼

下晝睇左小智同Lun Lun o既日記
發覺兩個最近都有野煩，一個為車車而煩，一個為細佬而煩
我當然都有野煩，但想對起黎已經算少∼
突然又好想搵個星期二三個人一齊去食飯∼