最近日元又係咁跌, 好多人都去日本旅遊''*
而係無心插柳既情況下係 4月頭跟朋友決定 4月尾出走大阪!!!!
夠哂瘋癲夠哂興奮了吧~~~

今次坐 HK EXPRESS 既早機~
而佢地既 Counter 係 Terminal 2, 有點不方便''*
就於唔包飛機餐既關係, 去到機場就要食飽飽咁上機嚕!!!

去旅行前一星期就已經兌換定d 日元~
係朋友既幫忙下係中國銀行度換左 HK$5000 既日元；
兌換率大概 0.0645 左右, 係 4月尾已經算好抵''*

一買 BOOK 好哂機票住宿, 就立即去訂 Pocket Wifi 啦''*
今次就係 WI-HO Wifi 度訂既 (因為 DBS 信用卡有 7折喔~~~)

呢部係 Softbank (304ZT) unlimited high speed 4G；
7折後每日大約 HK$62 而且唔需要比訂金~~

去到日本只需要開機, 入 wifi password 就即刻可以使用!!!
見到開左之後就 Lock 好個 Pocket Wifi 放入袋就可以全日隨時隨地上網~~
速度亦好快, 充滿電可以用足 12小時架''*

由香港到大阪關西約 3小時 45分鐘機程~~
可惜 HK EXPRESS 沒有電視看, 是可以自己聽歌或睡覺等時間過''*

另外亦可以係機上購買由關西空港前往難波的 Namba Ticket；
分別有特快 rapi:t 及快速列車兩種可選擇!!!!
價錢及時間相差不太遠, 而我跟友人都不想麻煩就買左特快那種''*

4個鐘頭過去, checkin 連拎行李都不需半小時就完成''*
一出關西空港再上一層就係關西空港駅啦, 完全唔難搵呢!!!

之後就拎住係 HK EXPRESS 買既票據去到南海電鐵售票處 (一直行轉左就係啦)
換你想坐既班次既電鐵票就 OK 啦~~~

LUCKY 地只係等 15分鐘左右就有班特快 rapi:t
而且佢地既坐位係舒服 D架, 仲有日本人既時間概念真係好準時；
開出同到達既時間完全到我地睇到既一樣的喔''*

一落到難波我地就行去地鐵千日前線搭去日本橋站 (S17)
再係 10號出口出, 再行前少少就到我地第一個目的地：黑門市場
我地拉住喼直接衝左過黎, 為既梗係食新鮮好味既野食啦~~

黎到已經 4點多, 已經好肚餓啦~~
去到【黑門三平】食返個日式 BRUNCH 先!!!

其實呢D 時間已經唔算多野食選擇, 連壽司飯都已經冇嚕；
所以揀左 2盒壽司 (有大 TORO 同海膽) 及成隻手掌咁大既生蠔~~
味道真係冇得頂, 而且埋單每人都是係 2000 YEN 左右, 好抵食''*

之後行前少少就買左白色草莓汁, 1000YEN 一杯都抵飲丫''*
眼見一粒大既白色草莓都要九百幾 YEN, 飲果汁都一樣咁甜的喔!!!

食飽之後我地就搭御堂根線返去心齋橋站 (M19)
去搵我地係 airBnB BOOK 既屋企啦~~~

今次揀左係北心齋橋附近, 行去心齋橋都只係 5分鐘咋''*
大廈既外貌都唔錯, 都唔見太多人出入~~
而夜晚就更加少, 不過都很安全的呢!!

而這間 BnB 位於 10樓, 一打開門就一眼見哂''*
係傳統日式的他他mi 床鋪, 房主早已預備好毛巾風筒等用品, 仲有個 pocket wifi 可使用~

不過房間裡沒有衣櫃及電視, 只有一個小小的茶几；
廚房就備有煮食用具, 廁所就有個小小的浴缸, 都很乾淨企理!!!
這裡每晚只需 5百多元港幣, 已經很好很便宜, 個人就覺得不錯了~~

放下行李休息左一陣之後, 就落街去心齋橋同道頓堀啦~~
由我地住所行去道頓大概 30分鐘, 真係可以話由街頭行到落街尾架!!!
兩個女人行心齋橋當然逐間逐間鋪行下睇架啦''*

仲要行到邊食到邊!!!
係日本就梗係要食章魚小丸子同埋抹茶雪糕啦~~
之後再行去道頓堀見到有燒神戶牛柳及牛舌, 真係忍唔住要食丫''*

最後就買左宵夜返 BnB 度嘆啦~~
主角就係日本草莓, 同埋日本 Haagan-Dazs 期間限定既抹茶雪條''*

差唔多間間便利店都見到有得賣丫, 完全唔難搵''*
抹茶脆皮 + 抹茶雪糕, 絕對係抹茶控既至愛!!
好滿足好好味丫~~

食飽就乖乖休息, 準備第二天既奈良之旅''*
遲少少再同大家分享我既【大阪 Oaska 遊記】


♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too         

每天起碼有 9小時躲在 OFFICE 入面被冷氣抽乾~~~
而有最近天氣非常炎熱, 曬到肌膚又乾又黑, 真係要想想辦法打救一下!!!

早前出席了 SK-II 的新品發佈活動~~
得知他們推出了改寫護膚程序的產品：奇蹟精華 Miracle Essence
隨即成為大家不可缺少的恩物!!!

SK-II 全新的 Mid-Day & Mid-Night Miracle Essence
革命性地將 SK-II 皇牌成份 PITERA 及全新 MoistureLock Complex 注入於奇蹟精華內；
全面改善細滑度, 緊緻度, 抗皺度, 白皙度及光澤度五大美肌範疇''*

加上特別的噴頭設計, 可噴出相等於四分一肌膚毛孔大小的超微細粒子；
有效快速穿透表層化妝品, 直達肌底注入營養, 減低肌膚氧化及保持一整天的妝容!!!

SK-II Mid-Day Miracle Essence 日間奇蹟精華  (HK$420 / 75ml)
有效日與夜幫助肌膚鎖緊水份, 帶來持續不絕的水潤感''*

每次用時需要距離臉部 15-20厘米及閉上眼睛~~
按上 3-4 下噴上臉部, 噴灑時不會水滴滴咁, 而且分散得好均勻''*

平時出街就會帶著日間奇蹟精華；
夏日炎炎成日都出汗, 用佢噴一噴可以保濕, 順便消暑!!!
化妝左都可以用, 令妝容更貼面添~~

同樣亦會將日間奇蹟精華放係公司；
因為公司冷氣太凍, 令肌膚變得好乾燥~
擺係台面就可以隨時拎黎噴一噴, 為肌膚保濕啦!!!

SK-II Mid-Night Miracle Essence 夜間奇蹟精華 (HK$420 / 75ml)
特別加入冰爽薄荷成份, 有效消除肌膚疲勞, 滋潤同時舒緩緊張肌膚, 即時活肌''*

晚上出街食飯或者玩到好夜我都會用上夜間奇蹟精華；
有冰涼的薄荷成份噴完特別醒神, 去玩個時可以保濕又唔怕恰眼訓''*
我特別喜歡這支, 有時早上都會用佢黎 "提下神" 架~~~

宜家 Miracle Essence 奇蹟精華同樣變成我既恩物''*
係手袋中不可缺少的東西來喔~~~
隨時隨地都可以擁有晶瑩的完美狀態!!!


SK-II HK
http://www.sk-ii.com.hk
https://www.facebook.com/SKIIHK
 

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too    

女生總有兩個胃, 一個是正餐胃, 另外個就是甜品胃''*
無論正餐食到幾飽都好, 都可以食得落甜品!!
當然我都係咁的~~~

之前跟友人出旺角晚膳後甜品癮起~~
就黎到位於白布街的 HeSheEat 食飯後甜品啦!!!!
聽說這間的甜品很不錯, 今次終於可以一試''*

這裡分為上下兩層, 上層的位置較多；
裝潢很簡約但感覺舒適~~

這裡有很多飲品選擇, 如奶昔, 砂冰, 特飲, 咖啡等等....
今次就飲左 Chef"s pick 既朱古力拖肥香蕉奶昔 (HK$38)

帶有香蕉味及朱古力味的奶昔, 不會過份的甜；
又唔會有種好假的味道, 加上有好多 cream, 增加了滑度!!!
這杯奶昔完全合哂我的喜好及口味呢~~

❤ 芒果拿破崙 (HK$52)
三層鬆脆的酥餅夾著吉士醬, 再配上芒果雪糕；
而四周伴著一粒粒的芒果肉粒, 賣相非常不錯的喔!!!

分開了一半的拿破崙都沒有碎哂~
而且酥餅脆卜卜, 配埋好軟滑又不太甜的的吉士醬, 味道剛剛好!!!
可惜芒果粒有點酸, 有點不完美呢''*

❤ 焦糖香蕉窩夫 (HK$52)
熱辣辣的端上枱, 香蕉面塗上焦糖再燒一燒, 及配上朱古力雪糕；
另外附有焦糖醬及蜜糖醬可蘸著窩夫黎食~~~

窩夫不算厚身, 食一份也不會太滯''*
不過個人覺得窩夫不夠脆身, 但內裡很軟!!
而那焦糖香蕉甜甜的, 好好味喔~~

❤ 綠茶心太軟 (HK$59)
這款是沒有寫在 MENU 上的隱藏菜單來喔!!!
作為綠茶控必定要試啦~~~

綠茶心太軟配豆腐雪糕, 更灑上開心果粒, 外表更覺吸引''*
記得要趁熱食喔!!
 

切開那心太軟, 見到綠茶漿慢慢流出來, 可見烘焗的時間剛剛好''*
而那綠茶味不會太死甜又不會太濃, 帶有少少綠茶苦味, 正正是我喜歡的口味!!!
再配上淡淡的豆腐雪糕, 一濃一淡簡直是 perfect match~~

❤ 櫻花紅豆梳乎里 (HK$59)
淡粉紅色的梳乎里令女生十分著迷, 本身配的是綠茶雪糕, 可惜當天已售罄了~~~
由於即叫即整的關係, 大概需要等 15-20 分鐘先可以品嚐啦!!!

雖然櫻花沒有什麼味道, 但見到梳乎里好滑又有質感~
而內裡放了紅豆, 可惜放得不太均勻, 一邊有很多另一邊就冇；
令梳乎里的一邊變得很甜, 需要改善一下呢!!!


這裡每一樣的甜品都很不錯, 都合我的口味喔''*
下次一定再來試試其他款式~~


HeSheEat
地址：旺角白布街 22號藝興大廈地下 4號舖

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too        

星期天跟友人去尖沙咀行街睇戲兼食飯''*
咁岩係 The One 買左戲飛, 咁就睇下商場內有咩好野食啦!!!

剛巧想食泰國菜, 就揀選了位於 4樓的 Cambo
這間應該是九龍城金寶的分店吧~~
晚上 6時多來到, 店內的人客也不少, 相信再晚一點一定很多人等位呢!!!

本身是想點椰青的, 可惜當天沒有貨, 食泰菜怎可沒椰青!!!
最後點了青檸梳打 (HK$28)
他們用的是泰國品牌 Chang 的梳打水, 好飲好多架''*

食泰菜必點的活蝦刺身 (HK$93)
一碟有成十隻左右, 都算抵食, 活蝦刺身夠凍又夠新鮮；
都幾大隻下架, 配上好多蒜蓉碎粒及酸辣汁, 非常惹味又醒胃!!!

同樣係食泰國菜必點既泰式炒通菜 (HK$56)
辣辣地既通菜唔會好油膩, 而且好爽口, 份量都好多下!!

另外更看到店鋪有兩款推介, 仲要以優惠價發售~~
好似幾抵又唔錯咁, 一於叫哂兩款呢!!!

❤ 泰式明爐大蜆鍋 (優惠價 HK$85)
用上小砂鍋配明爐端上, 慢慢待它煮滾, 亦不怕它變凍~
望上去大概有4 隻大蜆及其他配料''*

每隻大蜆都好大隻仲啖啖肉又冇沙, 好鮮甜!!!
另外鍋底仲有粉絲, 配上酸辣的湯汁非常惹味, 令粉絲都好入味；
最喜歡那湯汁, 差不多飲哂咁滯呢~~~

❤ 泰式青咖喱軟殼蟹鍋 (優惠價 HK$85)
青BB 的青咖喱鍋同樣配以明爐端上, 可以慢慢嘆~~
軟殼蟹是炸好再另上的, 大概有 4件左右, 而底下還有數片薯仔片；
再配埋長法包, 份量都不算少''*

青咖喱味道是甜而不辣, 充滿椰香的味道~~
用法包蘸上青咖喱汁, 甜甜的又飽肚；
而脆卜卜的軟殼蟹既香脆, 蘸上青咖喱汁另有一番風味!!!


總括黎講食物是好味的, 可惜當中發生了一點不快事~~
到下單到上菜都算很快手的, 但那軟殼蟹青咖喱鍋等了一小時才上菜；
中間已經追問了三,四次侍應們都只說幫我們跟進, 但並沒有回覆我們因什麼事等咁耐!!

到我地想取消時, 先見到個鍋出黎~~
如果真係漏了單可以直接說, 不用我們乾等, 而且還趕時間去睇戲的''*
所以這方面絕對要改善!!!


Cambo
地址：尖沙咀彌敦道100號 The ONE 4樓 L403舖
電話：2718 6022


♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too        

黑頭粉刺係最難清理的皮膚問題''*
坊間的撕除式袪黑頭產品容易令肌膚受損, 令毛孔變得粗大!!
結果問題便解決不了~~~

來自韓國醫學美容品牌 SKINMISO 推出了解決毛孔問題的護膚品~~
產品全新由韓國製造, 包括：
❤ 純米卸妝潔面乳
❤ 緊緻毛孔修護精華
❤ 溶解導出袪黑頭鼻貼套裝

首先要毛孔清潔, 必定要有乾淨的肌膚~
先用上卸妝及潔面二合一的 純米卸妝潔面乳 (HK$99)

可溫和清潔及去除毛孔內的油睹分泌物外, 更有效卸除防曬及 BB 底霜等產品~~
當中的大米萃取物及其他成份有利皮膚水油平衡及補充所需營養；
亦即時可見到美白的效果!!!

呈白色的乳狀質地, 加水後可揉搓出細緻的泡沫~~
質感溫和不刺激, 用後感到肌膚很滑淨清爽, 洗走肌膚的污垢感覺真的有白左呢!!!

之後就用上緊緻毛孔修護精華 (30ML / HK$188)
以創新的獨門配方, 可以改善因油脂分泌過盛及衰老造成的毛孔粗大問題；
更具希收緊毛孔的功效, 亦有效潤澤肌膚及改善肌膚狀況~

呈透明液體狀的精華, 以滴管設計十分乾淨衛生''*
質感清爽不黏稠, 並滲透度亦很快速, 塗後有緊緻及平滑的感覺!!

最後就係 SKINMISO 的皇牌產品：溶解導出袪黑頭鼻貼套裝 (4片) (HK$128)
套裝分為三步曲去處理, 先溶解再導出黑頭, 最後便收細毛孔；
性質溫和, 不會為毛孔造成太大刺激!!!

四星期裝的一盒共有 4對鼻貼及一支控油隱形毛孔霜 (15ml)
每 1至 2星期使用一次便可''*

先貼上 Step 1 的黑頭/白頭導出貼；
它含有草本植物成份, 可以軟化黑頭, 導出白頭!!!

整張鼻貼充滿精華, 貼上時涼浸浸的很舒服~
大概貼上 10分鐘左右便可取下''*

撕走鼻貼後會見到黑頭白頭浮了出來；
用上粉刺針將他們清走, 再清洗鼻子便可進行下一個步驟!!

接著就敷上鎮靜收毛孔鼻膜；
含有金鏤梅及專利草本成份, 有助舒緩及收毛孔, 具有保濕作用''*
敷上約 10分鐘便可取下, 加以按摩令精華完全地吸收!!

最後塗上控油緊緻精華~~
呈透明色的 GEL 狀精華, 可控制油脂分泌；
同時可緊緻毛孔及預防黑頭形成!!!

本身黑頭白頭不算太明顯, 用完後的確乾淨了很多很多''*
最後只塗上乳液便可, 神奇地只用一次即時見到明顯的效果!!!!


產品於萬寧, 千葉草及 FingerShopping 有售~~

SKINMISO
www.facebook.com/skinmisohk

***產品及說明由 Skinmiso 提供***

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too